Hayubu 4:20 - Kifuliiru

²⁰ Shesheezi, abandu bali mu ba bakiri bagumaana. Haliko kabigingwe, banabe keera bafwa. Yabo bandu, bali mu ba bazimiiri lwoshi-lwoshi.

Hayubu 4:20 ပူးပေါင်းရင်းမြစ်များ

2 Kutondobola 15:6

Kihugo kiguma, kyâli kizi gendi teera ikindi. Naꞌkaaya kaguma, kanagendi teera akandi. Kwokwo, kwo Rurema âli kizi bayogogoza, banaba mu makuba.

2 Kutondobola 21:20

Uyo Yoramu, ikyanya akatondeera ukutwala, âli kola neꞌmyaka makumi gashatu niꞌbiri, anahisa imyaka munaana atwaziri mu kaaya keꞌYerusaleemu. Ku kyanya akashaaja, ndaaye mundu yeshi úkamúlirira, anaziikwa mu kyusho kyabo mu Kaaya ka Dahudi. Si atakaziikwa mu shinda zeꞌkyami.

Hayubu 14:14

Umundu, iri angaba akoli fwiri, ka angaki shubi tuula ho? Isiku zaani zooshi, ngweti ngalibuuka. Si nangalindirira halinde njwekuulwe mu lufu.

Hayubu 14:2

Ali mu yasa bwija nga kaaso, haliko haaho, anashubi bogama. Ali mu lenga nga kimbehwa, anayami nyerera.

Hayubu 14:20

Uli mu shemya umundu, anayami nyerera imyakuula. Unahindule amalanga gaage, unamúkabulire hala.

Hayubu 16:22

Mukuba, ha nyuma hiniini, ngaaba keera nafwa, ndanâye shubi galukira mu kihugo.»

Hayubu 18:17

«Mu kihugo, ndaaye úwâye ki bakengeere. Ndaanaye úwâye ki kengeere amaziina gaabo.

Hayubu 20:7

Haliko ha nyuma, bagaki lashwa hala, nga myanda. Ngiisi ábashubi bayiji, bagakizi yibuuza, ti: “Balyagagi hayi?”

Zaburi 37:36

Haliko ha nyuma, iri nꞌgashubi halenga, ndanaki babona. Kundu nꞌgagira mbu nibalooze, batanashubi boneka.

Zaburi 39:13

E Nahano, uyuvwagwe ngiisi kwo ngweti ngakuhuuna. Ee! Uyuvwirize ngiisi kwo ndi mu kulirira. Ikyanya wayuvwa amalira gaani, utayigire nga bitwitwi. Si ngoli tuuziri nga muhinjuka. Nduuziri nga kinyamahanga, nga kwo bashokuluza biitu nabo bâli tuuziri.

Zaburi 92:7

Banangora-mabi, kundu bangadeha nga kishuka, banakizi genduukirwa, haliko ubuzinda, bagashereera imyaka neꞌmyakuula. Yibyo byoshi, ibizeeze bitangabimenya. Abahwija batangabisobanukirwa.

Migani 10:7

Umundu úkwaniini, ikyanya abandu bali mu múkengeera, bali mu gashaanirwa. Si nangora-mabi yehe, bali mu múyibagira lwoshi-lwoshi.