Hayubu 4:19 - Kifuliiru

¹⁹ Aahago! Ka itali yo haahe kwo atangamùyemeera mwe bandu ngana, munali ba kufwa naaho? Abandu bali mu bumbwa mu luvu, banali mu vungulwa nga hishumbugulu.

Hayubu 4:19 ပူးပေါင်းရင်းမြစ်များ

Ndondeko 18:27

Hiburahimu anashubi deta: «Ndi lukungu, na ndi munyota-kiiko. Kundu kwokwo, nayihangaana ukuganuuza Nahamwitu.

Ndondeko 2:7

Mu luvu, mwo Nahano Rurema akabumba umushosi, anamúfuuhira umuuka mu mazuulu. Uyo mushosi, anaba kiremwa kigumaana.

Ndondeko 3:19

Mu kulonga ibyokulya, ugakizi shaha ikyuya, halinde ukuhisa ku kyanya ugagalukira mwiꞌdaho. Mukuba, mwiꞌdaho mwo ukalyosibwa, munali mwo ugashubi galukira.»

Hayubu 10:9

We kongwa we! Ukengeere kwo ukandema mu luvu. Aaho! Ka ugalunguli ngalulira mwo duba-duba?

Hayubu 13:12

Imigani yo muli mu tyabiriza, iri neꞌkishingo nga kyoꞌmunyota-kiiko. Ukuyibulanira kwinyu, kwangayami yibumbulika nga luzitiro luyubake neꞌbidaka.

Hayubu 13:28

Na ngweti ngaahera nga kiti íkiri mu bola, na nga mulondo keera úgwaliibwa naꞌkashwa.»

Hayubu 14:2

Ali mu yasa bwija nga kaaso, haliko haaho, anashubi bogama. Ali mu lenga nga kimbehwa, anayami nyerera.

Hayubu 22:16

Yabo babi, bâli kizi fwa mbura-kihe. Neꞌndaliro zaabo, zinayami bindikirwa hala noꞌmwijulire.

Hayubu 25:6

Si abandu boohe, bali mu ba nga bitwera. Bali mu fwa naaho, nga bizimu.»

Hayubu 33:6

Lolaga! Twembi twe baguma imbere lya Rurema. Mukuba, naani, nꞌgalemwa mwiꞌbumba.

Zaburi 146:4

Ikyanya bali mu fwagaga, bali mu yami galukira mu luvu. Ku lwolwo lusiku, ngiisi byo batáshungisiri, binayami fwa ubusha.

Zaburi 39:11

Kwokwo, utaki shubi mbana. Si ibihano byawe, keera byanduhya!

Mwigiriza 12:7

Ku yikyo kyanya, ugashubi hinduka luvu. Haliko, umutima gwawe gwohe, gugagalukira imwa Rurema. Mukuba, ye kakuheereza gwo.

2 Bakorindo 4:7

Ibya Kirisito, biryagagi byaꞌkamaro bweneene! Kundu kwokwo, bitutuuziri mwo nga mu birugu biꞌbumba. Kwokwo, lyoꞌbushobozi bwage bwaꞌkahebuuza buyerekanwa ku bweranyange kwo bulyosiri imwa Rurema. Si butalyosiri imwitu!

2 Bakorindo 5:1

Yaga magala go tuki tuuziri mwo hano mu kihugo, galyagagi ngiꞌheema naaho. Tunayiji kweꞌkyanya gagashereera, Rurema agatuheereza inyumba mwiꞌgulu, itanayubasirwi naꞌmaboko gaꞌbandu. Haaho, ho tugatuula mweꞌmyaka neꞌmyakuula!

1 Peturu 1:24

Mukuba biyandisirwi kwokuno: «Abandu booshi, bali nga byasi. Noꞌbulangashane bwabo, buli nga bwaꞌkaaso naaho. Ibyasi biri mu bogama, naꞌkaaso kanabugumuke.