Hayubu 4:17 - Kifuliiru

¹⁷ “Abandu boꞌkufwa, ka bangaboneka kwo bali noꞌkuli imbere lya Rurema? Ikyanya bakola imbere lyoꞌMulemi wabo, ka bangaboneka kwo bayeruusiri?

Hayubu 4:17 ပူးပေါင်းရင်းမြစ်များ

Ndondeko 18:25

Nanga! Utangayita ábakwaniini, na ábatakwaniini. Bitanganaziga kwo ábayimaaziri mu kuli, bahanirwe kuguma na banangora-mabi. Si we mutwi weꞌmaaja wa mu kihugo kyoshi, unali mu zitwa mu kati koꞌkuli.»

Hayubu 14:4

«Umundu iri angaba akoli yulubiiri, nyandagi úwangaki múyeruusa? Si ndaaye úwangahasha!

Hayubu 15:14

«Aaho! Koꞌmundu angakoli yeruusibwa lwoshi? Nanga, maashi! Bwo ali mu butwa noꞌmukazi, ka angaba akwaniini?

Hayubu 25:4

«Kwokwo, ndaaye úwangakwanana imbere lya Rurema. Mu booshi ábakabutwa naꞌbakazi, ndaaye úwangayihumeera kwo ali mweru.

Hayubu 31:15

Si ye katubumba tweshi naꞌbakozi baani! Ye katulema tweshi mu nda za bamaawe.

Hayubu 32:22

Si iri hangagira ye ngakundirira, Umulemi wani agambindikira.»

Hayubu 35:10

Kundu kwokwo, ndaaye úli mu naaka, ti: “Si Rurema ye Mulemi wani! Aaho! Alyagagi hayi? Si ye kwaniini ukukizi njagalusa bushigi!

Hayubu 35:2

«E Hayubu, keera wadeta mbu: “Rurema agaki yerekana kwo ndi woꞌkuli.” Aahabi! Kaꞌmagambo mwene yago, galyagagi miija? Nanga maashi!

Hayubu 36:3

Ngaki kuyereka ngiisi kwoꞌMulemi wani ali woꞌkuli, mu kukoleesa amagambo gaꞌkahebuuza.

Hayubu 4:16

Yugwo muzimu, gwanayimanga imbere lyani. Haliko, iri nꞌgaguyitegeereza, ndanatami gumenya. Injusho yagwo yanabeera imbere lyani. Hanatee ba umunyerere, nanabuli yuvwa izu, ti:

Hayubu 40:8

Aahago! Ka uloziizi ukudeta kwo ndi mu twa imaaja ku njira ítali nga yo? Ka uloziizi ukubonesa kwo ndi munabuhube, gira lyo naawe uyiyerekane kwo ukwaniini?

Hayubu 8:3

Aahago! Ka utoniri kwo Rurema agweti agashobania ukuli? Si ali Rurema woꞌbushobozi bwoshi! Yehe atangakushobania.

Hayubu 9:2

«Ewe! Yibi byoshi wadeta, nyiji kwo biri kwokwo. Aaho! Kutagi kwoꞌmundu angaharuurirwa kwo akoli kwaniini imbere lya Rurema?

Zaburi 143:2

Si ndyagagi mukozi wawe! Aahago! Utandwire ulubaaja kwo mbanwe. Si mu booshi ábali ho, ndaaye kiri noꞌmuguma úkwaniini imbere lyawe!

Zaburi 145:17

Nahano ali mu gira íbikwaniini mu kati ka byoshi, anali mu ba akuuziri byoshi byo akabumba.

Mwigiriza 7:20

Ku kasiisa, mu kihugo kyoshi, ndaaye mundu úkwaniini úyamiri ali mu gira amiija, buzira kukola ibyaha.

Yeremiya 12:1

E Nahano, ngiisi kyanya ndi mu kuleetera ulubaaja, unayamiri uli mu lutwa ku njira íkwaniini. Aaho! Lekaga ngubuuze: Balya banangora-mabi, kituma kiki bakiri mu genduukirwa? Si balyagagi ngalagaaja! Aaho! Kituma kiki bayamiri bajeberiiri?

Yeremiya 17:9

«Umutima gwoꞌmundu, guli mu tebana bweneene, ukuhima ibindi byoshi, gutanâye kire. Ndaaye úwangasobanukirwa ngiisi kwo guli.

Barumi 11:33

Ubugale bwa Rurema, noꞌbwitegeereze bwage, noꞌbumenyi bwage, biryagagi bya kahebuuza! Ikyanya ali mu twa imaaja, ndaaye úwangasobanukirwa na ngiisi kwo agweti agaazitwa. Neꞌnjira zo ali mu lenga mwo, ndaaye úwangazimenya!

Barumi 2:5

Si ulyagagi mundagabika! Keera wanayumya umutima gwawe! Ku yukwo, ugweti ugayibiikira ikihano kihamu ngana-ngana ku lusiku lwo Rurema agayerekana uburaakari bwage. Ee! Rurema agaatwa imaaja zaꞌbandu ku njira íkwaniini.

Barumi 9:20

Naani, ti: «Uli nga nyandagi we mundu ngana, halinde ugweti ugahaliiza Rurema? Keꞌnyungu yiꞌbumba yangabuuza umubuuvi: “Kituma kiki wambumba kwoku?”

Bwigule 4:8

Ngiisi kingisho-ngisho, kyâli hiiti ibyubi birindatu-birindatu. Yibyo byubi, byâli yijwiri kwaꞌmasu mu nda neꞌmugongo. Yibyo bingisho-ngisho, biyamiri biri mu yimba kwokuno úbwakya-úbwayira: «Nahano Rurema woꞌbushobozi bwoshi, ali mweru! Ali mweru! Ali mweru! Ye kiri ho, ye wanâli yamiri ho! Ye ganaki yija!»