Hayubu 4:11 - Kifuliiru

¹¹ Iyo ndare, ikyanya igaabula ibyokulya, lyo igaafwa. Abaana baayo, haaho lyo bagasambarazibwa.

Hayubu 4:11 ပူးပေါင်းရင်းမြစ်များ

Ndondeko 49:9

E mugala wani wa Yuda, ulyagagi nga mwana weꞌndare, keera úwavwajagira byo alonga i ruhiiviro, anashubi galukira mwiꞌbundo. Ulyagagi nga ndare íshubi jujamiri, inakoli gwejiiri. Aahago! Nyandi úwangaki givyula?

Hayubu 1:19

Lyeryo ngana, ikihuhuuta kyanahuusa ukulyoka mwiꞌshamba, kyanayitimba kwiꞌyo nyumba ngiisi luhande, yanabayihongoleka kwo. Iyo misore yoshi, yanayami fwa. Nienyene naaho nie wafuuka, gira nyiji kumenyeesa umwazi.»

Hayubu 20:10

«Kundu bâli kizi zimba ibya beene, haliko abaana baabo, bagabigalula, banagendi huuna abakeni ulukogo.

Hayubu 29:17

Haliko banangora-mabi boohe, nanakizi bavuna imigeka. Neꞌkyanya bâli gwasiri imbohe, nanakizi zinyugutula mu miino gaabo.

Hayubu 38:39

«Ka wangahiivira indare ngazi, halinde unashaluule abaana baayo?

Hayubu 5:15

Ikyanya abakeni bali mu gambirirwa, Rurema ali mu bakiza. Anali mu balyosa mu maboko gaꞌbanamisi.

Hayubu 5:4

Abaana baabo, batali mu tabaalwa. Ikyanya bali mu yibulanira, bali mu bonerwa naaho, ndaanaye mundu woꞌkubadetera.

Zaburi 34:10

Mwe bandu ba Nahano, mukizi músimbaha. Mukuba, ngiisi ábamúsimbahiri, ndaabyo babuziri.

Zaburi 34:11

Kiri neꞌndare, hali ikyanya iri mu bula byo igaalya, inagende ijojobiiri. Haliko abandu ba Nahano boohe, ikyanya bali mu múlooza, ndaakyo kindu kiija kyo bali mu bula.

Zaburi 7:2

E Rurema Nahamwitu, we ngweti ngatibitira. Aaho! Undabaalage, unangize mu maboko gaꞌbagoma baani booshi.

Yeremiya 4:7

Abasirikaani bagahuluka, nga ndare íkola mu vuvunyuka mwiꞌbundo lyayo. Ee! Nakiminika keera akashaaga mu kihugo kyage, anakola mu njira, gira ayiji shereeza ikihugo kiinyu. Utwaya twinyu tugasigala biguuka, ndaanaye mundu úgatutuula mwo.

Hosheya 11:10

«Bwo nie nahamwinyu, mugaki ngulikira. Nâye ki lundume nga ndare. Neꞌkyanya ngalunduma, abandu baani bagakizi nyijira ukulyoka imbembe bakoli yobohiri.

Muharuuro 23:24

Emwe! Bakoli yimaaziri nga ndare ngazi. Banakoli sikamiri nga ndare njosi. Bali nga ndare, bwo batagahunira, halinde batee vwajagira ku byo bayita, banabe keera banywa ku muko gwabyo.»

Muharuuro 24:9

Bali mu ba bayibishiri, mu kubunda haashi nga ndare. Aahago! Nyandi úwangagira mbu abavyule? Ngiisi ábagagashaanira Abahisiraheeri, nabo bakizi gashaanirwa. Si ngiisi ábagabadaaka boohe, bagakizi daakwa.»

2 Timoteyo 4:17

Kundu kwokwo, Nahano âli kizi ba kuguma na naani, anambiika mweꞌmisi. Kwokwo, nanamenyeesa Imyazi Miija mu batali Bayahudi, halinde booshi banagiyuvwa. Na kandi, akangizagya na mu kanwa keꞌndare.