Hayubu 38:6 - Kifuliiru

⁶ Yizo ndaliro zeꞌkihugo, ziri njinge ku bikagi? Na nyandi úkabiika ibuye lyakyo lyaꞌkagongo?

Hayubu 38:6 ပူးပေါင်းရင်းမြစ်များ

Hayubu 26:7

Rurema ye kabiika ikyanyaanya, uluhande lweꞌmbembe, ananagania ikihugo áhatali kindu.

Zaburi 104:5

We kabumba ikihugo. Na bwo ukakisikamya ku ndaliro zaakyo, kitâye shaganibwe.

Zaburi 118:22

Ibuye lyaꞌbuubasi bakalahira, lyeryo lyo ligweti ligakania akagongo koꞌlutaliro.

Zaburi 144:12

Abatabana biitu, ikyanya bakiri misore, bagaakula bwija, nga mbuto íziri mu ndalo. Abanyere biitu, bagakizi limbiisibwa, nga nguliro mu kajumiro.

Zaburi 24:2

Kino kihugo, akakitereka áhali amiiji mingi. Haaho, ho akakisikamya.

Zaburi 93:1

Nahano ye mwami! Anayamiri ayambisirwi ubulangashane nga mirondo. Nahano anali ye mwene ubushobozi bweneene. Keera akasikamya ikihugo kyoshi, bitanâye zige kwo kishaganibwe.

Migani 8:29

Nâli kola ho, neꞌkyanya akabiikira inyaaja ulubibi, gira amiiji gatalujabuke, ku kyanya akabiika indaliro zeꞌkihugo.

Hisaaya 28:16

Si Nahano Rurema adetaga kwokuno: «Lolagi! Mu kaaya keꞌSayuni, keera nabiika mwiꞌbuye. Yiryo ibuye, keera likagezibwa, linali liꞌbuye lyoꞌkusikamya akagongo koꞌlutaliro. Umundu, iri angalibiika kwoꞌmulangaaliro, atagaki shenguka.

Zakariya 12:1

Nahano anadeta igindi ndumwa hiꞌgulu lyaꞌBahisiraheeri kwokuno: «Nie Nahano nꞌgatabika igulu, nꞌganabiika indaliro zeꞌkihugo. Na kwakundi, nie gweti ngakizi biika umundu mwoꞌbugumaana.

2 Peturu 3:5

Kundu kwokwo, bali mu yiyibagiza kwo yaho keera Rurema akabumba igulu neꞌkihugo ku njira yoꞌkukyula kwo bibe ho. Ee! Akabilyosa mu miiji. Kuli ku njira yaꞌmiiji kwo akabibumba.

1 Samweri 2:8

Abakeni, Nahano ali mu bayinamula mu luvu, na mu munyota-kiiko. Anabayimike, banabwatale kuguma naꞌbatwali. Ikihugo kyoshi, kiri kyeꞌmwage, ye kakitereka ku ndaliro zaakyo.