Hayubu 38:5 - Kifuliiru

⁵ Nyandagi úkashungika ibigero byeꞌkihugo? Na nyandi úkagolola umugozi mu kukigera?

Hayubu 38:5 ပူးပေါင်းရင်းမြစ်များ

Hayubu 11:9

Yubwo bumenyi bwage, buli noꞌbula-bula ukuhima bulya bweꞌkihugo. Buli noꞌbutambi-tambi ukuhima bulya bweꞌnyaaja.

Hayubu 28:25

Ye kashungika ngiisi kweꞌmbuusi igakizi huusa, anashungika kwakundi ngiisi kweꞌnvula igakizi nia.

Hayubu 34:13

Ka hali úkayimika Rurema, mbu akizi twala hiꞌgulu lyeꞌkihugo? Kandi iri, nyandagi úkamúbiika, mbu abe mukulu hiꞌgulu lyeꞌkihugo kyoshi? Si ndaaye!

Zaburi 19:4

Bigweti bigakizi deta, buzira kukoleesa izu. Ee ma! Ndaalyo íriri mu yuvwikana.

Zaburi 78:55

Anayimula abandu beꞌgindi milala imbere lyabo. Yikyo kihugo, anakiheereza Abahisiraheeri, bube buhyane bwabo, anabiika ngiisi mulala gwabo mu kaaya keꞌmwabo.

Migani 8:27

Nâli kola ho, ikyanya Rurema akabumba igulu, na ku kyanya akazungulusa ulubibi ku nyaaja.

Migani 8:29

Nâli kola ho, neꞌkyanya akabiikira inyaaja ulubibi, gira amiiji gatalujabuke, ku kyanya akabiika indaliro zeꞌkihugo.

Hisaaya 34:11

Kirya kihugo, banakasare bo bakola bagakituula mwo, kuguma na banafufulu, na banamujongo. Nahano agakishereeza lwoshi, kinasibe.

Hisaaya 40:12

Aahago! Nyandi gundi keera úkagera inyaaja mu maboko gaage? Kandi iri akoleesa ukuboko, mu kugera ikyanyaanya? Nyandagi úyiji ubuzito bweꞌkihugo, keera anagera imigazi noꞌtugangazi noꞌlugero?

Hisaaya 40:22

Rurema ayamiragi abwatiiri hala, hiꞌgulu lyeꞌkihugo. Ikyanya ali mu langiiza abandu, bali mu boneka ngaꞌmahaazi naaho! Ali mu tanuula igulu ngiꞌheema, gira akizi lituula mwo.

2 Bakorindo 10:16

Ha nyuma, tunagendi menyeesa Imyazi Miija na mu bindi bihugo íbiri imbere lyeꞌkyeꞌmwinyu. Umukolwa gwo tugakizi yihayira kwo, gutabe mu mbibi zoꞌgundi mundu keera akagwanwa abiikwa mwo.

1 Samweri 2:8

Abakeni, Nahano ali mu bayinamula mu luvu, na mu munyota-kiiko. Anabayimike, banabwatale kuguma naꞌbatwali. Ikihugo kyoshi, kiri kyeꞌmwage, ye kakitereka ku ndaliro zaakyo.