Hayubu 38:4 - Kifuliiru

⁴ «Ikyanya nꞌgabiika indaliro zeꞌkihugo, wâli hayi? Iri wangaba usobanukiirwi, unjuvye.

Hayubu 38:4 ပူးပေါင်းရင်းမြစ်များ

Ndondeko 1:1

Ku ndondeko, Rurema akabumba igulu neꞌkihugo.

Ndondeko 2:4

Igulu neꞌkihugo, ikyanya bikalemwa, kwoku kwo bikaba. Ikyanya Nahano Rurema akabirema,

Hayubu 15:7

«Aahago! Ka we katangi butwa, imbere lyaꞌbiinyu booshi? Nanga, maashi! Ka we hiiti imyaka mingi ukuhima utugangazi?

Hayubu 28:25

Ye kashungika ngiisi kweꞌmbuusi igakizi huusa, anashungika kwakundi ngiisi kweꞌnvula igakizi nia.

Hayubu 34:13

Ka hali úkayimika Rurema, mbu akizi twala hiꞌgulu lyeꞌkihugo? Kandi iri, nyandagi úkamúbiika, mbu abe mukulu hiꞌgulu lyeꞌkihugo kyoshi? Si ndaaye!

Zaburi 102:25

Kwokwo, nanatakira Rurema, ti: «E Rurema wani, si we yamiri ho, halinde imyaka neꞌmyakuula! Aahago! Bwo ngiri musore, utalunguli nyita, maashi!

Zaburi 102:26

Yaho keera, we kabumba ikihugo. Kiri niꞌgulu, we kalibumba naꞌmaboko gaawe.

Zaburi 104:5

We kabumba ikihugo. Na bwo ukakisikamya ku ndaliro zaakyo, kitâye shaganibwe.

Migani 3:19

Ku njira yoꞌbwitegeereze, Nahano akabumba indaliro zeꞌkihugo. Na bwo âli kizi sobanukirwa, lyo akalonga ukusikamya igulu.

Migani 30:4

Aaho! Nyandi úkazamuukira mwiꞌgulu anashubi yija hano mu kihugo? Nyandi úkafumbata imbuusi? Nyandi úkaboha amiiji mu mulondo? Nyandi úkabiika imbibi zeꞌkihugo? Uyo, iziina lyage ali nyandi? Na mugala wage, iziina lyage ye nyandi? Iri wangaba umúyiji, umúmbwire.

Migani 8:22

Nie bwitegeereze, Nahano akatee mbumba ikyanya átazi bumba ikindi kindu kyoshi.

Hisaaya 40:14

Ka Nahano angahanuusa umundu? Kandi iri, ka angayigirizibwa, gira alonge ukusobanukirwa na íbiri biija? Umundu, ka angamúyereka ngiisi kwo agaatwa imaaja ku njira yoꞌkuli? Nanga, maashi!

Yeremiya 10:12

Nahano ye kabumba ikihugo ku bushobozi bwage. Ye kanakisikamya ku bwitegeereze bwage. Anakoleesa ubwenge bwage mu kuyanuula igulu.

Hamoosi 4:13

Nahano ye kalema imigazi. Ye nali mu husiisa imbuusi. Ngiisi byo ali mu ba ashungisiri ukugira, ali mu gwanwa abimenyeesa abandu. Ali mu hindula izuuba lyoꞌmusasa, bube bushigi. Anali mu hinyata-hinyata ku marango. Iziina lyage, ye Nahano Rurema woꞌbushobozi bwoshi!

Baheburaniya 1:10

Rurema akadeta na kwokuno: «E Nahano, ku ndondeko, we kabumba ikihugo. Kiri niꞌgulu, we kalibumba naꞌmaboko gaawe.

Baheburaniya 1:2

Halikago, mu zino siku zeꞌmberuuka, akoli gweti agaadeta na nyiitu ku njira yoꞌMwana wage yenyene. Kutanali kwokwo naaho. Si ku njira yoꞌyo Mwana wage, kwo akabumba mweꞌbindu byoshi. Ye na koli bihaabirwi.

1 Samweri 2:8

Abakeni, Nahano ali mu bayinamula mu luvu, na mu munyota-kiiko. Anabayimike, banabwatale kuguma naꞌbatwali. Ikihugo kyoshi, kiri kyeꞌmwage, ye kakitereka ku ndaliro zaakyo.