Hayubu 38:15 - Kifuliiru

¹⁵ Yugwo mulengeerwe, gutali mu haabwa banangora-mabi. Na kundu bali mu lambuula ukuboko, mbu bakomeresanie, ehee, kugaavunwa ngana.

Hayubu 38:15 ပူးပေါင်းရင်းမြစ်များ

2 Baami 6:18

Balya Baharaamu, iri bakayiji teeraga Hirisha, anahuuna Rurema kwokuno: «E Nahano, yaba bandu booshi, ubahumaaze.» Nahano anabahumaaza.

Hayubu 18:18

Bagasaazibwa mu mulengeerwe, banalashwe mu kihulu, banabe bakoli yimwirwi mu kihugo.

Hayubu 18:5

«Si itara lyaꞌbandu babi, ligaki zima. Neꞌngulumira yalyo, inahote.

Hayubu 24:13

«Yabo banangora-mabi, bali mu hagana noꞌmulengeerwe. Batanayijagi ngiisi ho guli mu genda, batanali mu siima ukugukulikira.

Hayubu 31:22

E balya! Iri bitangabiiri kwokwo, ikitugo kyani kishogoke. Noꞌkuboko kwani, kutwikire mu ningo yakwo.

Hayubu 38:14

Ku mukyo, ikihugo kiri mu hinduka, nga kwiꞌbumba liri mu hinduka ku kyanya lyabiikwa kwaꞌkamangu. Imigazi noꞌtubanda, biri mu boneka nga mifunya yiꞌkooti.

Hayubu 5:14

Yabo banabwenge, bali mu zingwa neꞌkihulu, munakiri mwiꞌzuuba. Bali mu mamaata mu kalenge-renge, nga kwo bangamamaata bushigi.

Hayubu 5:15

Ikyanya abakeni bali mu gambirirwa, Rurema ali mu bakiza. Anali mu balyosa mu maboko gaꞌbanamisi.

Zaburi 10:15

Ulya nangora-mabi, ushereezagye imisi yage. Ububi bwage bwoshi, ubumale, halinde butashubi boneka.

Zaburi 37:17

Mukuba, yabo banangora-mabi bagaki shaabulwa. Haliko ngiisi ábakwaniini boohe, Nahano ali mu basikamya.

Migani 4:19

Si imikolezi ya banangora-mabi, yohe, iri nga kihulu kya namudidi. Batanayiji íbiri mu basiitaza.

Yeremiya 13:16

Mukizi huuza Rurema Nahamwinyu, átazi mùyingiza mu kihulu, mútanazi siitara mu migazi hiꞌgulu lyeꞌkihulu. Kundu mulangaalire kwoꞌmulengeerwe gugamùtanguulira, haliko hali ikyanya angamùtumira ikibungu kiiru, neꞌkihulu namudidi.

Hezekyeri 30:22

«Kwokwo, nie Rurema Nahamwinyu nadetaga kwokuno: Ngola mugoma wa mwami weꞌMiisiri. Ngaavuna amaboko gaage gombi, kulya úkukiri kugumaana, noꞌkwabo keera úkukavunika. Kwokwo, irya ngooti yo ashubi fumbiiti mu kuboko kwage, igamútibuka.

Muharuuro 15:30

«Haliko, ngiisi úgaaba agweti agaagira ikyaha mu kugiriirira, yehe agaaba atuka Nahano, aba Muhisiraheeri nirizina, kandi iri kinyamahanga, uyo mundu, akwiriiri atwibwe mu bandu ba Nahano.