Hayubu 38:1 - Kifuliiru

¹ Iri hakatama, Nahano anashuvya Hayubu mu kihuhuuta kwokuno:

Hayubu 38:1 ပူးပေါင်းရင်းမြစ်များ

Ndondeko 9:10

Na bwo mukalyoka neꞌbiremwa mu mashuba, ngakigira twe nabyo kwakundi. Kuli kudeta utunyuni, neꞌbitugwa, neꞌnyamiishwa zooshi, na ngiisi kindi kiremwa íkiri mu kihugo.

1 Baami 19:11

Nahano anamúbwira: «Hulukaga mu lwala. Uyimange kwiꞌrango imbere lyani. Mukuba, ngola ngalenga ho.» Lyeryo, Nahano mbu alenge, imbuusi yoꞌmubangami yanahuusa. Iyo mbuusi yanamoola imigazi, yanakunyula neꞌmikungubwe. Kundu kwokwo, yugwo mubangami, Nahano atâli guliiri mwo. Ikyanya iyo mbuusi ikahooha, mu kihugo mwanalenga sizigirye woꞌmusisi, gigi-gigi! Si yugwo musisi, Nahano átâli guli mwo.

2 Baami 2:1

Ikyanya Nahano âli kola agalengeza Hiriya mwiꞌgulu mu mbuusi yaꞌkasiru-siru, Hiriya na Hirisha bâli lyosiri i Girigaali.

2 Baami 2:11

Iri bakaba bakiri mu yugwo muganuulo, lyeryo ngana, hanayami hulukira igaare lyoꞌmuliro, ligweti ligakululwa neꞌfwarasi zoꞌmuliro, byanabahandula. Ulya Hiriya analengezibwa mwiꞌgulu, mu mbusi yaꞌkasiru-siru.

Hayubu 11:5

«Ewe! Bwangabiiri buhiirwa Rurema akubwire igambo, anakubwire ngiisi kwo atoniri.

Hayubu 26:10

«Ngiisi ho akahandula amiiji, anahabiika umuziizi, gira gukizi yerekana ulubibi ha kati koꞌmulengeerwe neꞌkihulu.

Hayubu 37:14

«E Hayubu, utegage amatwiri. Utee hulika, unayitoneese hiꞌgulu lyeꞌbitangaaza bya Rurema.

Hayubu 37:9

«Imbuusi iri mu huluka imunda iri nzingule. Neꞌkyanya iri mu huusa, iri mu leeta akagima.

Hayubu 40:1

Nahano anashubi bwira Hayubu kwokuno:

Hayubu 40:6

Mbu hatame, Nahano anashuvya Hayubu mu kihuhuuta, ti:

Hezekyeri 1:4

Iri nꞌgaba ngiri mu langiizagya, haaho, nanayami bona imbuusi ngayu igweti igahuluka uluhande lweꞌmbembe. Imbere lyayo, yâli riiri ikibungu kihamu, kisokaniinwi noꞌbulangashane. Na mu kati kaakyo, mwâli kizi lyamuza ibiryamu bweneene. Mu kati ka yikyo kibungu, mwâli yasiri umuliro. Na mu yugwo muliro, mwâli kizi kenyengana bweneene nga mulinga mu kiberekaana kyoꞌmuliro.

Nahumu 1:3

Nahano, kundu ayamiri agweti agayigenderera, halikago ali mwene ubushobozi. Atali mu lekeerera banangora-mabi, si agweti agabahana. Ikyanya agweti agagenda, hali mu boneka imibangami neꞌbihuhuuta. Ishando zaage, ikyanya ziri mu tumuula ulukungu, luli mu boneka nga bibungu.