Hayubu 37:22 - Kifuliiru

²² Rurema ali mu lyoka uluhande lweꞌmbembe, alangashiini ngeꞌnooro. Ubulangashane bwage buli mu ba bwaꞌkahebuuza.

Hayubu 37:22 ပူးပေါင်းရင်းမြစ်များ

1 Kutondobola 29:11

We mwene ubukalage, noꞌbushobozi, noꞌbulangashane, noꞌbukulu, noꞌlushaagwa. Kiri na byoshi íbiri mwiꞌgulu, na mu kihugo, biri byeꞌmwawe. E Nahano! Ubwami bulyagagi bweꞌmwawe. Unali mu huuzibwa, bwo uli hiꞌgulu lya byoshi.

Hayubu 37:21

«Ikyanya imbuusi iri mu kumuula ibibungu kwiꞌgulu, ndaaye úwangaki langiiza kwiꞌzuuba, bwo liri mu yaka bweneene.

Hayubu 37:23

Rurema woꞌbushobozi bwoshi, tutangamenya ngiisi kwo ali. Ali kikalage bweneene, anali woꞌkuli. Atanali mu shobania imaaja, mu kutuhana ku njira ítali nga yo.

Hayubu 40:10

«Giraga uyerekane ubulangashane bwawe noꞌbukulu bwawe. Uyilimbiise noꞌbushobozi, iri unagingikwa.

Zaburi 104:1

E Rurema Nahamwitu, we riiri hiꞌgulu lya byoshi. We mwene ubulangashane, we na mwene ukugingikwa. Ku yukwo, ngwaniini ngizi kuhuuza ku mutima gwani gwoshi.

Zaburi 145:5

Banamenyeesanie ngiisi kwo uli mu gingikwa mu kati koꞌbulangashane. Kiri na naani, ngakizi yitoneesa ku kitangaaza byawe.

Zaburi 29:4

Yiryo izu lyage, liri noꞌbushobozi bweneene, linali lya kahebuuza.

Zaburi 66:5

Muyiji bona ngiisi byo Rurema akagirira abandu baage. Byoshi, biri bya kahebuuza.

Zaburi 68:35

Mumenyeesanie kwo Rurema ye riiri noꞌbushobozi bweneene. Ye twaziri Abahisiraheeri. Noꞌbulangashane bwage buyamiri butanguliiri Abahisiraheeri.

Zaburi 76:12

Ikyanya uli mu lagaania Rurema Nahamwinyu igambo, umúgirire lyo. Abandu bakwaniini bakizi músimbaha. Kwokwo, mwe binyamahanga, mukizi múleetera amatuulo.

Zaburi 89:8

E Rurema, mu muhumaanano muhamu gwaꞌbandu bataluule, we bagweti bagagingika. Uli wa kahebuuza bweneene, ukuhima booshi ábakuzungulusiri.

Zaburi 93:1

Nahano ye mwami! Anayamiri ayambisirwi ubulangashane nga mirondo. Nahano anali ye mwene ubushobozi bweneene. Keera akasikamya ikihugo kyoshi, bitanâye zige kwo kishaganibwe.

Migani 25:23

Nga kweꞌmbuusi yeꞌmbembe iri mu leeta invula, kwo noꞌlugamba luli mu leeta ubushombani.

Hisaaya 2:10

Aahago! Mugendi yifunda mu nyaala, munayihumbire imihobo, gira muyibishe uburaakari bwa Nahano! Si Nahano ali wa kukangana! Noꞌbushobozi bwage, buli bwaꞌkahebuuza.

Hisaaya 2:19

Ikyanya Nahano agayiji jugumya ikihugo, agakangana ku bulangashane bwoꞌbukalage bwage. Haahago, abandu banagendi yifunda mu nyaala, banahumbe neꞌbishimo, gira bagendi yibisha mwo.

Mika 5:4

anakizi bileeta mwoꞌmutuula. Abahasuriya bagayiji teera ikihugo kiitu, banakizi libata ku nyumba ziitu mbamu. Kinatume tugabiika abatwali balinda, bakizi tulanga. Ee! Ibirongoozi munaana, byo bigaturongoora.

Nahumu 1:3

Nahano, kundu ayamiri agweti agayigenderera, halikago ali mwene ubushobozi. Atali mu lekeerera banangora-mabi, si agweti agabahana. Ikyanya agweti agagenda, hali mu boneka imibangami neꞌbihuhuuta. Ishando zaage, ikyanya ziri mu tumuula ulukungu, luli mu boneka nga bibungu.

Baheburaniya 1:3

Na bwoꞌyo Mwana aki gweti agaadeta ku bukalage, kyo kitumiri ibindu byoshi bikiri ho. Uyo Mwana, alyagagi mwoꞌbulangashane bwa Yishe, anamúshushiri ku byoshi. Uyo Mwana, ikyanya akaba keera ayeruusa abandu mu byaha byabo, anagendi bwatala mwiꞌgulu, uluhande lweꞌlulyo lwa Yishe. Noꞌyo Yishe, ye riiri noꞌbushobozi bwoshi.

Baheburaniya 12:29

Mukuba «Rurema witu, guli muliro gwoꞌkujigiivya!»

Yuda 1:25

Yehe naaho, ye Rurema witu na Lukiza witu. Akizi yama alyagagi noꞌbulangashane, noꞌbukulu, noꞌbukalage, noꞌbushobozi mu kati ka Nahamwitu Yesu Kirisito! Bikizi ba kwokwo, ukulyokera ku kyanya ikihugo kitazi bumbwa, halinde buno, halinde ukuhisa imyaka neꞌmyakuula!