Hayubu 36:7 - Kifuliiru

⁷ Yabo beene ukuli, atali mu leka ukubatanduula. Si ali mu bayimika kuguma naꞌbaami, banakizi huuzibwa imyaka neꞌmyakuula.

Hayubu 36:7 ပူးပေါင်းရင်းမြစ်များ

Ndondeko 23:6

«E nahamwitu, ututegage amatwiri. Mu kati kiitu, we musholezi kikalage kya Rurema. Uyisebere! Ngiisi shinda yo ugasiima, mube mwo ugaziika mukaawe. Mu kati kiitu, ndaaye mundu úwangakuyima ho ugamúziika.»

Ndondeko 41:40

Aahago! Bwobuno, we kola úgayimangira ikihugo kyani. Abandu baani booshi, bagaaba mwiꞌdako lyoꞌbutwali bwawe. Niehe naaho, nie gakukulira, bwo nie bwatiiri ku kitumbi kyoꞌbwami.

2 Kutondobola 16:9

«Amasu ga Nahano gali mu langiiza-langiiza hooshi mu kihugo. Na ngiisi ábamúyibiisiri kwo, ku mitima yabo yoshi, ayamiri ali mu basikamya. Haliko, yibi wagira, biryagagi bya buhwija. Ukulyokera buno, abagoma baawe bakola bagakizi kuteera.»

Hesiteeri 10:3

Moredekaayi Umuyahudi, ye wâli kyegeera kya mwami Serikisi. Mu yubwo butwali, âli kuuzirwi bweneene. Kiri naꞌBayahudi, banakizi músimbaha. Mukuba, âli kizi bakolera, anâli kizi baloogeza umutuula.

Hayubu 1:3

Uyo Hayubu âli mugale bweneene, weꞌbibuzi bihumbi birinda, neꞌngamiya bihumbi bishatu, neꞌngaavu kihumbi, naꞌmabuguma ga bapunda magana gataanu, naꞌbakozi bingi bweneene. Ye wâli mugangambale, ukuhima abandi booshi ba mu mbande zeꞌsheere.

Hayubu 22:29

«Ikyanya abandu batwika indege, unabaholeeze, ti: “Uyihe ikise!” Haaho, banakizibwe.

Hayubu 31:4

Si niehe, Rurema abwini-bwini ngiisi byo ndi mu gira. Indambo zaani, agweti agaziharuura zooshi.

Hayubu 4:7

Kengeeraga bwija! Abandu bazira buhube, ka bali mu yitwa? Kandi iri abandu ábatungiini, ka bali mu minikwa? Nanga maashi!

Hayubu 42:12

Uyo Hayubu, mu kihande kya kabiri kyoꞌburambe bwage, Nahano anamúgashaanira ingingwe bweneene, kiri ukuhima kwo âli múgashaniiri ubwa mbere, anaba akola neꞌbibuzi bihumbi ikumi na bina, neꞌngamiya bihumbi ndatu, neꞌngaavu bihumbi bibiri, naꞌmabuguma ga bapunda kihumbi.

Hayubu 5:11

Ngiisi ábali bakeni, ali mu bakuza. Na ábali mu kimombo, ali mu balanga mu mutuula.

Zaburi 33:16

Ndaaye mwami úwangayikiza, mbu bwo ahiiti abasirikaani bingi. Ndaanayo ndwani íri mu hima, mbu bwo ye kikalage.

Zaburi 33:18

Si ngiisi ábayobohiri Nahano, amasu gaage gayamiri gali mu balola. Mukuba, babiisiri umulangaaliro ku rukundo lwage. Na yulwo rukundo lwage, lutâye male.

Zaburi 34:15

Atwikirage ku mabi, anakizi gira amiija. Akizi fiitirwa ku byangaleeta umutuula, binabe byo agakizi kulikiriza.

Zaburi 34:16

Mukuba, amasu ga Nahano, gali mu lola ku bandu ábali mu gira íbikwaniini. Neꞌkyanya bali mu mútabaaza, ali mu bayuvwa.

Zaburi 41:12

Nyiji bwija kwo unziimiri. Utanali mu leka abagoma mbu bayihaye hiꞌgulu lyani.

Hisaaya 22:23

«Uyo Heryakimu, ngamúsikamya ngana-ngana! Agaaba neꞌmisi, nga musumaari úgwakomerwa mu mbahwa ngomu.

Sefaniya 3:17

Rurema Nahamwinyu, mutuliinwi. Ali kihagarusi! Aganamùhimira. Ee ma! Agakizi mùsiimira bweneene, muganakizi luhuuka mu kati koꞌrukundo lwage. Agakizi mùshambaalira ku nyimbo, mu kati koꞌmulengo.»

2 Batesaloniki 3:3

Kundu kwokwo, Nahano alyagagi mwemeera. Agakizi mùkania, iri anamùlanga noꞌlya mubi.

1 Peturu 3:12

Mukuba, ikyanya abandu bali mu gira íbikwaniini, amasu ga Nahano gali mu yama gali mu balola kwo. Neꞌkyanya bali mu mútabaaza, ali mu bayuvwa. Si abakozi baꞌmabi boohe, ali mu bahindulira ingoto.»

1 Samweri 2:8

Abakeni, Nahano ali mu bayinamula mu luvu, na mu munyota-kiiko. Anabayimike, banabwatale kuguma naꞌbatwali. Ikihugo kyoshi, kiri kyeꞌmwage, ye kakitereka ku ndaliro zaakyo.