Hayubu 32:8 - Kifuliiru

⁸ «Kundu kwokwo, ikyanya umundu ali mwoꞌMutima gwa Rurema woꞌbushobozi bwoshi, lyo ali mu ba akoli sobanukiirwi.

Hayubu 32:8 ပူးပေါင်းရင်းမြစ်များ

Ndondeko 41:38

Anayami deta: «E bagingi, uyu mundu, ali mwoꞌmutima gwa Rurema. Aahago! Ka twangaki longa ugundi úli nga ye?»

Ndondeko 41:39

Uyo mwami, analola ku Yusefu, anamúbwira: «Ewe! Yaga gooshi, Rurema ye wakuyigulira go. Tutaki bwini ugundi úli noꞌbumenyi, anali mwitegeereza, nga we.

1 Baami 3:12

«Buno, ngakukolera nga kwo wambuuna. Ngakuheereza ubwitegeereze noꞌbwenge. Na yubwo bwitegeereze bwawe, ndaaye gundi mundu úzindi buhaabwa. Kiri neꞌnyuma lyawe, hatagaki boneka umundu úli nga we.

1 Baami 3:28

Abahisiraheeri booshi, iri bakayuvwa ngiisi kwo mwami akatwa ulubaaja, banasoomerwa bweneene, banabona kwo Rurema keera akamúheereza ubwitegeereze, halinde alonge ukukizi twa imaaja ku njira íkwaniini.

1 Baami 5:9

Rurema akaheereza Sulumaani ubwitegeereze noꞌbumenyi bwingi. Bwâli luguusiri nga mushenyu kwiꞌbuga.

Hayubu 12:13

Kundu kwokwo, ubwitegeereze noꞌbushobozi nirizina biri byeꞌmwa Rurema naaho. Ye mu hanuula ku njira nyija, anali mu sobanukirwa.

Hayubu 12:16

Rurema, ye mwene imisi noꞌbwitegeereze. Abatebani, na ábali mu tebwa, ye mwene bo booshi.

Hayubu 27:3

nabiika indahiro kweꞌkyanya ngiri ho na mbe ngiri mu yisa umuuka,

Hayubu 33:16

Ali mu deta ku kahwehwe mu matwiri gaabo. Neꞌkyanya ali mu bakengula, anabateere ikyoba.

Hayubu 33:4

Ewe! Umutima gwa Rurema woꞌbushobozi bwoshi, gwo gukandema. Noꞌmuuka gwage, gwanambiika mwoꞌbugumaana.

Hayubu 35:11

Rurema ye mu tuyengehya ukuhima inyamiishwa, halinde tukizi ba bitegeereza ukuhima utunyuni. Aaho! Buno ali hayagi?”

Hayubu 38:36

Nyandi úli mu shoboleesa ukukizi tona? Na nyandi úli mu shoboleesa ukusobanukirwa?

Migani 2:6

Mukuba, Nahano naaho, ye mu haana ubwitegeereze. Ali mu haana noꞌbumenyi kwakundi, halinde abandu banasobanukirwe.

Migani 20:27

Imitono yoꞌmundu, liri itara lyo Nahano amúhiiri. Liri mu moleka ku bimúyifundereziizi mwo.

Mwigiriza 2:26

Iri umundu angasimiisa Rurema, Rurema ali mu múheereza ubwitegeereze, noꞌbumenyi, noꞌbushambaale. Si umunabyaha yehe, Rurema ali mu múheereza naaho umukolwa gwoꞌkukizi kuumania ibindu bingi, anabisingule. Halikago ha nyuma, anayiji bisikiiriza ugundi úgweti úgakizi simiisa Rurema. Aaho! Yibyo nabyo, si biryagagi bya busha-busha! Biri nga kulooza ukugwata imbuusi.

Hisaaya 28:26

Si Rurema wage ye kamúyigiriza ngiisi kwo agakizi gira.

Danyeri 1:17

Yabo batabana kwo bali bana, Rurema anabaheereza ubumenyi, halinde banalonga ukusobanukirwa naꞌmandiko ga kwingi-kwingi gaꞌBababeeri. Na kwakundi, anaheereza Danyeri ikigabi kyoꞌkukizi sobaanura amabone neꞌbirooto bya kwingi-kwingi.

Danyeri 2:21

Ye mu handulaga ikikamo neꞌmbondo. Ye mu lyosa abaami baguma, anashubi yimika abandi. Ngiisi ábahiiti ubwitegeereze, ali mu bayushuulira ubundi. Na ábasobanukiirwi, ali mu bayushuulira ubulenga.

1 Bakorindo 12:8

Muguma, Umutima Mweru guli mu múshoboleesa ukukizi deta amagambo goꞌbwitegeereze. Gwogwo Mutima Mweru guli mu shoboleesa ugundi ukukizi deta amagambo goꞌbumenyi.

2 Timoteyo 3:16

Amandiko Meeru gooshi, gakayandikwa ku burongoozi bwa Rurema. Ganali naꞌkamaro mu kuyigiriza abandu. Ikyanya abandu bali mu giraga amahube, galya Mandiko gali mu bayerekeza, noꞌkubahubuula. Ganali mu bayereka ngiisi íbikwaniini imbere lya Rurema.

Yakobo 1:5

Muguma winyu, iri angabulirwa noꞌbwitegeereze, akwiriiri abuhuunage imwa Rurema. Na Rurema, agamúheereza bwo. Mukuba, ikyanya Rurema ali mu buhaana, kuli mu ba ku mutima úgushenguusiri, na buzira kukanukirana.