Hayubu 31:7 - Kifuliiru

⁷ Hali ikyanya indambo zaani, zangakengeera zahusha injira íkwaniini, kandi iri amasu gaani gahemukire ikindu, ninayami kiyifwija, kandi iri amaboko gaani ganabe gakoli yulubiiri neꞌbyaha.

Hayubu 31:7 ပူးပေါင်းရင်းမြစ်များ

Hayubu 16:17

Kundu ngweti ngalibuuka kwokuno, ndaabwo buligo bwo nagira. Neꞌkyanya ndi mu huuna Rurema, umutima gwani guli shululu.

Hayubu 17:9

Kundu kwokwo, umundu woꞌkuli, akaniziizi injira yage. Yabo bazira buhube, bo bagenderiiri noꞌkukizi kana ingingwe.

Hayubu 23:11

Ee! Ngweti ngakizi múkulikiriza ngana-ngana. Na bwo nganiziizi injira zaage, ndangaki yahuka ibutambi.

Hayubu 27:5

«Na kundu mugweti mugandega, ndâye yemeere kwo muli mu deta ukuli. Si ngakizi deta kwo ndi buzira buhube, halinde ukufwa kwani.

Hayubu 27:6

Nganiziizi ukuli kwani, ndanâye kuleke. Mu burambe bwani bwoshi, ndagateerwa neꞌbihamba.

Hayubu 9:30

Kundu nangayikaraba neꞌsaabuni, na nyeruuse amaboko,

Zaburi 101:3

Ndâye bande amasu ku bitali nga byo. Ikyanya abandu bagakuhinduliraga ingoto, ngaabona buligo. Naꞌbandu mwene yabo, ndagabayegeera.

Zaburi 7:4

E Rurema Nahamwitu, hali ikyanya nangaba nꞌgakuhubira. Ngeeka amaboko gaani gakakoleesa íbitali nga byo.

Mwigiriza 11:9

E mutabana, ikyanya ukiri musore, ukizi shambaala. Ukizi shagaluka mu mutima gwawe. Ngiisi byo uloziizi ukugira, ubigire. Na ngiisi byaꞌmasu gaawe gayifwijiri, ukizi bikulikira. Kundu kwokwo, ukizi kengeera kwo yibyo byoshi, Rurema agaki kutwira ulubaaja hiꞌgulu lyabyo.

Hisaaya 33:15

Abandu bangakira, iri bangakizi gira íbikwaniini, banabe bagweti bagaadeta ibyoꞌkuli, banabe batagweti bagalyalyania, mbu lyo bagala, banabe batanali mu lya ikitulire. Kiri noꞌkuyuvwa igambi lyoꞌkuyitana, batasiimiri, batanaloziizi ukubona íbitali nga byo.

Hezekyeri 14:3

«E mwana woꞌmundu, yaba bandu, imitima yabo ikola mu yihega naaho ku migisi, inakola mu bahubiisa, halinde bakizi gira ibyaha. Aaho! Ka nangaki yemeera kwo bashubi kizi yiji ndabaaza?

Hezekyeri 14:7

«“Abahisiraheeri kandi iri ibinyamahanga íbibatuuziri mwo, hali ikyanya baganyilyosa kwo, banakizi yikumba imigisi, halinde banayidulumbike lwoshi mu byaha. Aaho! Iri bangayijiraga umuleevi, mbu balonge igambo imwani, niehe nienyene ngabashuvya.

Hezekyeri 6:9

Ikyanya bagatwalwa imbohe, bagakizi ngengeera. Banasobanukirwe ngiisi kwo bâli kizi njengeeza. Mukuba, batâli riiri bemeera imwani, si bâli kizi njanda, banakizi yikumba imigisi yabo. Hagaatama, boohe boonyene, bagayigaya hiꞌgulu lyaꞌmabi gaabo, bwo gâli kizi nyaagaza.

Muharuuro 15:39

«Iyo minaganizo, ikyanya mugagibona, mugakizi kengeera imaaja zooshi za Nahano. Mukizi zisimbaha, buzira kukizi yifwija íbibishirwi mu mitima yinyu mwenyene, kandi iri mu masu giinyu.

Mataayo 5:29

«Isu lyawe lyeꞌlulyo, iri lyangakuhubiisa, ulijobole, unalikabulire! Bwangabiiri bwija, kiguma kya mu birumbu byawe kiteereke, haꞌmagala gaawe gooshi gangalashirwi i nakwere.