Hayubu 3:21 - Kifuliiru

²¹ Yabo bandu, kundu bayifwijiri ulufu, haliko batali mu lubona. Bagweti bagalooza ukufwa, ukuhima ho bangalonga ibindu biija íbibishamiri.

Hayubu 3:21 ပူးပေါင်းရင်းမြစ်များ

1 Baami 19:4

Si yehe, anagenderera umulege-rege gwoshi, halinde mwiꞌshamba, anagendi bwatala mwiꞌdako lyeꞌkiti kiguma kyeꞌngaja-malungu. Haaho, anahuuna Rurema kwo alonge ukufwa. Anamúbwira, ti: «E Nahano, ndaakikwo kundi! Ubulyo, ndaakibwo. Ndali nie mwija ukuhima bashokuluza baani. Kwokwo buno, unyitage.»

Hayubu 11:20

Si banangora-mabi boohe, amasu gaabo gagaahuma. Banabule ubulyo bwo bangatoloboka mwo. Umulangaaliro gwabo naaho, mbu bafwe ngana.»

Hayubu 3:22

Ikyanya bali mu fwa, banaziikwe, lyo bali mu shambaala.

Hayubu 6:8

«Aahago! Ikyanya ndi mu huuna Rurema, bwangabiiri buhiirwa, ndonge ishuvyo. Ngiisi byo ndi mu biika kwoꞌmulangaaliro, angabimbiiri.

Hayubu 6:9

Emwe! Nangaloziizi kwo anganvuta-nvuta. Angagolwiri ukuboko, anayami nyita.

Hayubu 7:15

Ho nangagenderera ukulibuuka kwoku, ngoli bwini kwo nangamanisirwi, ninayami fwa.

Migani 2:4

Yubwo bwitegeereze, ukizi bushakula nga kwo wangashakula iharija. Na kundu bwangaba nga bubishirwi, ukizi bulooza ngana.

Mwigiriza 4:2

Nanabonaga kwo ábakoli fwiri bo bahiriirwi ukuhima ábakiri bagumaana.

Yeremiya 8:3

Yabo banangora-mabi, ngiisi ábagaaba basigiiri, ngabashabulira hooshi mu mahanga. Halikago iyo munda, batagalooza ukulama, si bagakizi yifwija naaho kwo bafwe.» Kwokwo Nahano adesiri.

Yona 4:3

E Nahano! Buno, nakuyinginga, undeke nvwagage. Ee ma! Bwangabiiri bwija nvwe, ho nangaramba!»

Yona 4:8

Ikyanya izuuba likahuluka, Rurema anavyula imbuusi yeꞌdugumbo ukulyoka uluhande lweꞌsheere. Izuuba lyanadaruula, halinde Yona anayuvwa kwiꞌtwe lyahiira bweneene, anahambiri hola. Kwokwo, analooza ukufwa, anatulagula, ti: «Yoho wee! Bulyagagi bwija nvwe ngana, ho nangaki ramba.»

Muharuuro 11:15

Iri wangakizi ndibuza kwokwo, nakuhuuna we kongwa we, bwangabiiri bwija uyami nyita ngana. Utaki ndekere mu yubu buhanya.»

Bwigule 9:6

Mwiꞌyo myezi itaanu, abandu bagakizi loozagya ulufu, bataganalubona. Na kundu bagalusara bweneene, lugabatibita!