Hayubu 28:18 - Kifuliiru

¹⁸ Ubwitegeereze butangagulwa naꞌmabuye miija ágadukumbusiri na ágakeyengiini. Ikishingo kyabwo, kihimiri ikishingo kyoꞌbuhembe.

Hayubu 28:18 ပူးပေါင်းရင်းမြစ်များ

Migani 20:15

Hali inooro, hali naꞌmabuye mingi ágakeyengiini. Si umundu úli mu deta ku bwitegeereze, yehe, ye riiri neꞌkishingo bweneene!

Migani 3:13

Ahiriirwi, ngiisi úli mu longa ubwitegeereze, analongage ukusobanukirwa.

Migani 3:15

Ubwitegeereze buli neꞌkishingo ukuhima amabuye miija-miija ágakeyengiini. Ndaanakyo kindi kyo wangayifwijiri, ukubuhima.

Migani 31:10

Umukazi úli neꞌngesho nyiija, hayagi wangamúlonga? Uyo mukazi, ikishingo kyage kilenguusiri ukuhima kyoꞌbuhembe.

Migani 8:11

Si ubwitegeereze, buli naꞌkamaro, ukuhima amabuye madukula ágakeyengiini, bunahimiri byoshi byo wangayifwijiri.

Kimombo 4:7

Abaluzi beꞌSayuni, bâli yeruusiri ukuhima ulugungu. Bâli riiri beeru pepeepe, ukuhima amata. Amagala gaabo, gâli lakusiri ukuhima amabuye miija geꞌsafiiri, banâli nonosiri ngana-ngana!

Hezekyeri 27:16

Abaharaamu nabo, banakizi yiji gula ibindu byawe bingi-bingi, banakizi kuleetera amabuye geꞌkishingo neꞌmirondo ítyeriiri, mihange mu nuzi zeꞌkitaani, inali kweꞌbirimbiiso byaꞌmabuye miija ágadukumbusiri, naꞌgandi mabuye madukula.

Mataayo 7:6

«Ngiisi íbikoli talwirwi imwa Rurema, mutakizi bitobera utubwa! Neꞌmbembe ziinyu, mutakizi zikabula ingulube. Si yizo ngulube, zigazikandagira naaho. Na ha nyuma, kiri na mwenyene zinamùjanganule.»

1 Timoteyo 2:9

Na ku luhande lwaꞌbakazi, ndoziizi kwo bakizi yitonda mu kuyambala imirondo. Kube ku njira íkwaniini, buzira kuteezania ishoni. Ukuyilimbiisa kwabo, kutakizi ba mu kulukiisa imishaku, kandi iri mu kuyambala imbembe, kandi iri íbyatulwa mu nooro. Batanakizi yambala imirondo yeꞌkishingo kikayu.

Bwigule 17:4

Uyo mukazi âli yambiiti imirondo yeꞌkituku-tuku, neꞌmidukula. Anâli yilimbisiizi noꞌbungeni-ngeni. Yubwo bungeni-ngeni, bukagirwa mu nooro, na mu mabuye miija geꞌkishingo, na mu mbembe. Anâli fumbiiti noꞌrusoozo úlukatulwa mu nooro. Yulwo rusoozo, lwâli yijwiri ubweruzi neꞌbitalaalwe. Mukuba, byebirya byo âli kizi yilala mwo.

Bwigule 18:12

Na mu yibyo bindu byabo, muli inooro, neꞌharija, naꞌmabuye miija geꞌkishingo, neꞌmbembe. Muli neꞌmirondo miija ítyeriiri, neꞌgindi mirondo miija yeꞌkituku-tuku neꞌmidukula. Muli na ngiisi biti íbiri mu baya bwija. Muli na íbikabaajwa mu mahembe geꞌnjovu. Muli neꞌbirugu íbikabaajwa mu biti bikomu. Muli na ngiisi birugu íbikatulwa mu miringa, na mu byuma, na íbikabaajwa mu tushangalibwe.

Bwigule 21:21

Inyiivi za yako kaaya kwo zâli riiri ikumi na zibiri, zâli riiri mbembe ikumi na zibiri. Ngiisi lwivi lwâli gizirwi mu luhembe luguma. Neꞌnjira mbamu ya mu yako kaaya, yâli yajirwi mweꞌnooro muguuhya! Ee! Yâli langashiini bweneene nga kiyo.