Hayubu 28:13 - Kifuliiru

¹³ Ndaaye mundu úwangamenya akamaro koꞌbwitegeereze, mukuba butali mu boneka mu bakiri bagumaana.

Hayubu 28:13 ပူးပေါင်းရင်းမြစ်များ

Hayubu 28:14

Inyaaja mbamu, iri mu deta, ti: “Ubwitegeereze, ndaabwo hano.” Igindi nyaaja, inashubi deta, ti: “Butanali hano.”

Zaburi 119:72

Amigirizo gaawe gambitiiri akamaro bweneene, ukuhima akatundu keꞌnooro, kandi iri keꞌharija.

Zaburi 19:10

Ukusimbaha Nahano kukwaniini bweneene, kuganayama ho, halinde imyaka neꞌmyakuula. Imaaja zaage zisikamiri, zinakwaniini lwoshi-lwoshi.

Zaburi 27:13

Kundu kwokwo, ndangaliiri kwo ngagenderera ukuba ho, halinde na ndonge ukubona ubwija bwa Nahano.

Zaburi 52:5

Ho wangakunda amiija, ukoli kuuziri amabi naaho. Na ho wangakunda ukuli, ukoli kuuziri ibibeesha.

Migani 16:16

Iri wangalonga ubwitegeereze, kwo kukulu ukuhima inooro. Ee! Ho wangalonga iharija, ukulonga ubumenyi kwo kukulu.

Migani 23:23

Ukizi yiga ibyoꞌkuli, utanaki shubi kujandagira. Na kwakundi, ukizi looza ubwitegeereze, unabe uyiji ukuyihangaana, iri unasobanukirwa.

Migani 8:11

Si ubwitegeereze, buli naꞌkamaro, ukuhima amabuye madukula ágakeyengiini, bunahimiri byoshi byo wangayifwijiri.

Hisaaya 38:11

Nanashubi deta: Ala nie! Ndâye ki bone Nahano mu bagumaana. Mu batuuziri mu kihugo, ndâye ki bone umundu yeshi-yeshi.

Hisaaya 53:8

Bakamúbirigisha, banamútwira ulubaaja. Neꞌri hakazinda, banamúyita. Uyo mukozi, ndaanaye mundu weꞌkibusi kyage úkamúhahala, akanayitwa hiꞌgulu lyeꞌbyaha byaꞌbandu baani.

Yeremiya 11:19

Nâli riiri nga kibuzi íkiri mu sholerwa mu kugendi tongeerwa. Lirya igambi lyabo, ndâli yiji kwo liri lya kulooza ukunyita. Banakizi yimokooza, ti: «Ehee! Ulya mwene amagambo, tumúzimiizagye, halinde atakizi ki deta. Ee ma! Tumúyite, halinde ayibagirwe lwoshi mu kihugo!»

Hezekyeri 32:24

«Iyo munda i kuzimu, kiri na mwami weꞌHelamu naye, yo munda alambamiri, neꞌkiso kyage kimúzungulusiri. Yabo booshi, bakayitwa mwiꞌzibo, batanayiji Rurema. Ikyanya bâli ki riiri bagumaana, bâli kizi leeza abandu mweꞌkinyukura. Halikago buno, bakoli fwiri, banalambamiri yaho mu kati keꞌshoni.