Hayubu 27:20 - Kifuliiru

²⁰ Ikyoba kiri mu babindikira nga mwijulire. Bali mu yehuulwa neꞌkihuhuuta bushigi.

Hayubu 27:20 ပူးပေါင်းရင်းမြစ်များ

2 Baami 19:35

Mu bwobwo bushigi, umuganda wa Nahano anayingira mu shumbi yaꞌBahasuriya, anayita mwaꞌbandu bihumbi igana na makumi galimunaana na bitaanu. Iri bukakya, ku kyanya abandu bakiri mu vyuka, banagwana birya birunda byoshi bilambamiri haashi.

Hayubu 15:21

Amatwiri gaabo, gali mu kanguka neꞌbihuume. Kiri neꞌkyanya babwinagi kwo bagweti bagagenduukirwa, abanyazi bali mu yami bateera.

Hayubu 18:11

Bagweti bagateerwa neꞌkyoba ngiisi luhande, Banagweti bagahambirizibwa.

Hayubu 20:23

Ikyanya bagaaba bakiri mu yihahala, mbu lyo bahaaza amabunda, Rurema agabarakarira bweneene. Agakizi batumuula imbi, zinabahone kwo nga nvula.

Hayubu 20:8

«Bali nga birooto naaho, bali mu fwifwitira, banabe batakiri mu boneka. Bagasheguuka ngaꞌmabone ga mu bushigi.

Hayubu 21:18

Boohe, batali mu yehuulwa nga byasi, batanali mu kumuulwa neꞌkihuhuuta.

Hayubu 22:16

Yabo babi, bâli kizi fwa mbura-kihe. Neꞌndaliro zaabo, zinayami bindikirwa hala noꞌmwijulire.

Hayubu 24:18

«Kundu kwokwo, bali mu nyerera duba ngiꞌfulo íriri mu yami twalwa noꞌlwiji. Na ngiisi byo bagweti hano mu kihugo, bikoli daasirwi. Banakoli yobohiri kiri noꞌkugenda mu ndalo zaabo zeꞌmizabibu.

Hayubu 34:20

Kundu kwokwo, yabo booshi bangayami fwa ha kati koꞌbushigi. Bali mu nyanyagwa haashi, banayami seezera ikihugo. Kundu bali banabushobozi, si bali mu lyosibwa ngana mu kihugo, buzira kulonga ubutabaazi.

Zaburi 18:4

Nahano ye kwaniini ukukizi yivugwa, bwo ayamiri ali mu ngiza mu bagoma. Kinatume ndi mu kizi mútabaaza.

Zaburi 42:7

E Rurema wani, si keera nashenguka! Kundu kwokwo, ngukumbwiri. Ubutabaazi bwawe, bulyosiri mu mbande zeꞌYorodaani, na mu migazi Herimooni, na mu yeꞌMizaari.

Zaburi 83:16

Ukizi basingoola, nga kwoꞌmuliro guli mu singoola ulubako, na nga kweꞌmbigi zaagwo ziri mu boyola imigazi.

Zaburi 90:5

Uli mu kizi mala abandu, mu kubahuniza. Bali mu ba nga kishuka kya shesheezi.

Kulyoka 12:29

Iri kakaba kahola-masiga, Nahano anayita ifula zooshi za mu kirya kihugo kyeꞌMiisiri. Zirya fula zo akayita, zikatondeerera ku fula ya mwami, kundu âli kizi bwatala ku kitumbi kyeꞌkyami. Zanahisa na ku fula za ábâli lashirwi mu nyumba zeꞌmbohe. Kiri neꞌbitugwa, akayita ibyana byabyo bya mbere.

Danyeri 5:30

Mu bwobulya bushigi, Berishaaza mwami weꞌBabeeri anayitwa.

Yona 2:3

«E Nahano, ikyanya nâli kola mu makuba, nꞌgakutabaaza, wanayami nyuvwiriza. Nꞌgakubululukira ukulyokera i nakwere, wananyuvwa.