Hayubu 27:19 - Kifuliiru

¹⁹ Yabo babi, bali mu gendi gwejera bakiri bagale, haliko, ikyanya bali mu vyuka, banayiji gwana ubugale bwabo ndaakibwo.

Hayubu 27:19 ပူးပေါင်းရင်းမြစ်များ

Ndondeko 49:10

Abayuda bayamiragi bali neꞌngoni yeꞌkyami. Itaganalyoka mu magulu ga mwami wabo, halinde ukuhisa ku kyanya ulya úgikwaniini agaahika. Yehe, ibinyamahanga byoshi bigakizi músimbaha.

Hayubu 14:10

«Haliko umundu yehe, ikyanya ali mu fwa, kwoshi kwokwo. Amagala gaage gali mu yami ziikwa. Iri ali mu yisa umuuka gweꞌmbeka, ndaakwo kundi.

Hayubu 20:5

Balya banangora-mabi, kundu baki shambiiri, halikago yukwo kushambaala kwabo, kukola kugaamala. Kundu baki gweti bagashambaala, haliko ubushambaale bwabo, butagayama ho.

Hayubu 21:30

Ikyanya Rurema ali mu ba akoli rakiiri, anabe aloziizi ukuhana abandu, nangora-mabi ali mu fuushuka.

Hayubu 24:24

Na kundu bakiri bakulu, si bagayami yitwa, banaziikwe. Bagaaba nga mihuli yeꞌngano, íri mu yami nongolwa.

Hayubu 30:23

Nyiji bwija kwo ugweti ugammanulira i kuzimu, mu bafwiri. Yeyo munda, yaꞌbandu booshi bagayiji humaanana.

Hayubu 7:21

Kituma kiki utangangejeerera ibyaha byani, unayami koga ubuligo bwani? Hinyerere hiniini naaho, ngayifwira, na mbiikwe i kuzimu. Ikyanya ugandooza, ndagaki ba ho.»

Hayubu 7:8

Kundu abandu bakiri mu mbona, haliko batagaki shubi mbona. Kundu mundooze, haliko ndagaaba ngiri ho.

Hayubu 8:22

Kundu abagoma bangaba bakushombiri, si bagaki teezibwa ishoni. Yabo banangora-mabi, inyumba zaabo zigaashaka ngana-ngana.»

Zaburi 58:9

Ee! Banyerere nga kweꞌkishongo kiri mu nyerera mwiꞌzuuba. Banabe ngiꞌbunda íryashalamuka, buzira kubona izuuba.

Migani 23:4

Utanakizi yiyumya, mbu lyo ulonga ubugale. Utanakizi yisaliza-saliza hiꞌgulu lyabwo.

Migani 23:5

Si ubugale, ikyanya ugabubanda kwiꞌsu, bugayami nyerera. Bugaaba nga bwamera ibyubi, bunayinywerereke nga nyunda úli mu kyanyaanya.

Yeremiya 8:2

Iyo migongolo, bagagikabulira mijande-mijande, inasigwe haaho ku kyanya kiꞌzuuba, na kyoꞌmwezi, neꞌndonde. Mukuba, beene iyo migongolo bâli kuuziri ukukolera byebyo bya mwiꞌgulu. Banâli kizi bihanuusa, iri banabiyikumba. Ku yukwo, imigongolo yabo, ndaaye úgashubi yiji gikuumania, mbu agiziike. Si igasigala haashi mijande-mijande ngiꞌsukiro.

Mataayo 23:37

«E Yerusaleemu, e Yerusaleemu! Si we gweti ugayita abaleevi! Ee ma! Ngiisi ábali mu tumwa imwawe, uli mu balasha amabuye. Nâli loziizi ukukuumania abandu baawe, nga kweꞌngoko iri mu vumbeera ibyanagoko byayo. Haliko mutanalooza!

Mataayo 3:12

Akoli fumbiiti ulwibo, gira ayeruule ibyula mu ngano. Iyo ngano, agagikumaniza mu kihinda kyage. Si ibyula byohe, agabiduulika mu muliro, úgutanâye zime.»