Hayubu 26:14 - Kifuliiru

¹⁴ Mu mikolezi yage, iyo iri miniini naaho. Iri mu hwehwetezania naaho. Si ubushobozi bwage bwonyene, buli buhamu bweneene. Aaho! Nyandi úwangamenya ngiisi kwoꞌbushobozi bwage buli mu kungula?»

Hayubu 26:14 ပူးပေါင်းရင်းမြစ်များ

Hayubu 36:29

«Ndaaye úsobanukiirwi ngiisi kweꞌbibungu biri mu yajaala, kandi iri ngiisi kweꞌnguba iri mu lavya kwiꞌgulu.

Hayubu 37:4

«Emwe! Izu lya Rurema, liri mu kungula ngana. Ikyanya ali mu deta, atali mu ligonera.

Hayubu 37:5

Ikyanya Rurema ali mu deta, ali mu tulagiza inguba bweneene. Ubukulu bwage, tutangahasha ukubusobanukirwa.

Hayubu 4:12

«Lusiku luguma, nꞌgayuvwa izu lyoꞌbumbishwa. Yiryo izu, lyanayingira mu kutwiri kwani, mu kahwehwe.

Hayubu 40:9

Ehee! Ka uhiiti imisi ngeꞌyeꞌmwani? Ka wangalunduma kwiꞌzu lyani?

Hayubu 42:5

Ubwa mbere, nâli kizi yuvwa imyazi hiꞌgulu lyawe. Haliko buno, keera nakubona masu ku gandi.

Zaburi 139:6

Yibyo byoshi, biri bya kahebuuza. Ndanganabisobanukirwa.

Zaburi 145:3

Nahano ye sumbiragi booshi, ye na kwaniini ukukizi yivugwa bweneene. Ndaaye úwangasobanukirwa noꞌbukulu bwage.

Zaburi 29:3

Izu lya Nahano Rurema, liri mu yuvwikana ku miiji. Na bwo ali mwoꞌbulangashane, ali mu kizi kungula. Ee! Ali mu kizi kungula hiꞌgulu lyeꞌnyaaja.

Mwigiriza 11:5

Kundu imbuusi iri mu huusa-huusa, utangamenya injira yayo. Kiri noꞌmwana úkiri mu nda ya nyina, utayiji ngiisi kwo ali mu kula. Kwo na kwokwo, utangasobanukirwa neꞌmikolezi ya Rurema, utanganamenya ngiisi kwo akabumba byoshi íbiri ho.

Habakuki 3:4

Agweti agayija alangashiini ngiꞌzuuba. Mu kuboko kwage, mugweti mugalyoka umulengeerwe. Mwomwo mwo anali mu bisha ubushobozi bwage.

Barumi 11:33

Ubugale bwa Rurema, noꞌbwitegeereze bwage, noꞌbumenyi bwage, biryagagi bya kahebuuza! Ikyanya ali mu twa imaaja, ndaaye úwangasobanukirwa na ngiisi kwo agweti agaazitwa. Neꞌnjira zo ali mu lenga mwo, ndaaye úwangazimenya!

1 Samweri 2:10

si ngiisi ábali mu hagana na Nahano bagatemwa-temwa biniga-biniga. Agalavya hiꞌgulu lyabo, nga mulavyo ukulyoka hiꞌgulu, ye ganahana amahanga gooshi. Agaheereza mwami wage imisi. Ee! Bwo keera akamútoola, aganamúhuuza.»