Hayubu 24:9 - Kifuliiru

⁹ «Yabo babi, bali mu yongoola abaana beꞌfuuvi ku bifuba bya banyina. Bali mu bayabiira, babe ngwati.

Hayubu 24:9 ပူးပေါင်းရင်းမြစ်များ

2 Baami 4:1

Lusiku luguma, namufwiri úkasigwa na muguma wa mu baleevi anayiji bwira Hirisha: «E Nahamwitu, yibanie keera akafwa, unayiji kwo âli simbahiri Rurema. Haliko buno, umundu ye akakaaba ifwaranga, keera ambiikira ikikando kwo agatwala bagala baani bombi, babe baja baage.»

Nehemiya 5:5

Si twe baguma na yabo biitu! Na baana biitu bo baguma. Aahago! Kituma kiki tukiri mu tanga bagala biitu, na banyere biitu, mbu bagendi ba baja baabo? Banyere biitu, baguma bakoli ba baja-kazi. Ndaanakwo kundi kwo twangaki gira. Si keera twaguza kiri neꞌndalo ziitu, neꞌmizabibu yitu.»

Hayubu 22:6

«Ku mugani, tudetage kwo keera ukanyaga uwinyu ibyambalwa, mu kubeesha mbu iri ngwati. Neꞌkyanya ukamúshulumula byo, wanamúsiga bukondwe.

Hayubu 24:10

Yabo bakeni bali mu bagendeesa bukondwe, buzira mirondo. Banakizi babetuza imimbu, iri banashalisiri.

Hayubu 24:8

Ikyanya invula iri mu nia ku malambo, bali mu yami loba. Na bwo babuziragi inyumba, bali mu ba bayifuuziri mu nyaala.

Hayubu 29:12

Ikyanya abakeni bâli kizi ndabaaza, nanakizi batabaala, nanakizi tabaala kiri neꞌfuuvi ízitâli hiiti imbere neꞌnyuma.

Hayubu 6:27

Si mwehe, mwangaguliisa ifuuvi mu buja! Mwanganaguliisa kiri na mwira winyu.

Hisaaya 3:14

Agweti agalega abashaaja, kuguma naꞌbandi bimangizi baꞌbandu baage kwokuno: «Si mwe mukashereeza Abahisiraheeri, banali nga ndalo yani yeꞌmizabibu. Mu nyumba ziinyu, muyijwiri ibindu byo mukanyaga abakeni.

Bukengeeze 24:7

«Iri byangamenyeekana kwo muguma winyu azimba uwabo Muhisiraheeri, anamúgire muja wage, kandi iri amúguliisa, uyo mundu akwiriiri ayitwe. Kwokwo, lyo mugaaba mwalyosa amabi mu kati kiinyu.»