Hayubu 24:5 - Kifuliiru

⁵ Yabo bakeni balyagagi nga punda wa mwiꞌshamba, bali mu shiiba bagweti bagalooza byo bagaalya. Bali mu loogeza ibyokulya byabo kiri na mwiꞌshamba, gira bakizi shaluula mwaꞌbaana baabo.

Hayubu 24:5 ပူးပေါင်းရင်းမြစ်များ

Ndondeko 16:12

Uyo Hishimaheeri, agaaba nga punda wa mu kishuka, halinde analwise ngiisi mundu. Na ngiisi mundu naye, agakizi múlwisa. Agayihandula ku beene wabo booshi, anagendi tuula yenyene.»

Ndondeko 27:40

Na kundu ugakizi ramba ku ngooti, haliko ugakizi kolera mulumuna wawe. Kundu kwokwo, ikyanya ugamúyihindulira, lyoki ugaaba wayishwekuula mu butwali bwage.»

Hayubu 12:6

Kiri naꞌbanyazi, batuuziri mu mutuula. Kundu bali mu shomboroza Rurema, si bakiri noꞌbutoge. Batoniri kwo Rurema ali mukozi wabo naaho.

Hayubu 24:14

Umwitani ali mu vyuka shesheezi kare-kare, gira agendi yita abakeni, na banakahuku. Na bushigi, ali mu genda luto-luto nga muzimba.

Hayubu 24:6

«Yabo bakeni, iri bangalooza ingano, kandi iri imizabibu, bakwaniini bagendi bikaza mu ndalo za banangora-mabi.

Hayubu 5:5

Ikyanya bali mu longa imimbu, abanamwena bali mu yami gimirangusa, kundu iri mu kula mu mishuugi. Kundu bangaba bali noꞌbugale, abanabwifwije bali mu yiji banyaga bwo.

Zaburi 104:23

Haaho shesheezi, umundu naye anatondeere imikolwa yage, anakizi kola, halinde kabigingwe.

Migani 4:16

Yabo banangora-mabi, si batangagwejera, bátazi gira amabi! Batanali mu hunira, bátazi gwisania.

Yeremiya 2:24

Munali ngiꞌbuguma lya punda wa mu kishuka, írikoli liiziri, linabe keera lyaleha imbuusi, mu kulooza ifiizi. Aahago! Yiryo ibuguma, nyandagi úwangaki lihangirira? Inviizi zitakiri mu yiluhya. Si ikyanya kyoꞌmulindo, lyo ziri mu yami gendi yimya buzira igoorwa.

Hosheya 7:6

Yabo bandu, si imitima yabo igweti igayaka nga fuuru! Bushigi bwoshi, uburaakari bwabo buli mu hooha. Halikago, iri buli mu kya, bunayami yaka bweneene nga mbigi zoꞌmuliro, wa gwi-gwi!

Hosheya 8:9

Ikyanya bakagendi tabaaza Abahasuriya, banaba nga punda úgweti úgayangaara. Si keera bakatangira ibindi bihugo ibindu, mbu lyo babalanga.

Mika 2:1

Yayewe imwinyu, mwe mugwejiiri ku ngingo, iri munashungika kwo mugaakola ibitalaalwe. Yibyo bitalaalwe, bwo muhiitagi ubulyo bwoꞌkubigira, muli mu zinduka ku mutwezi, gira mugendi bikoleesa.

Sefaniya 3:3

Abatwali baawe, ziri ndare ízigweti zigalunduma. Abatwi baawe beꞌmaaja, bali nga mirunga ku kyanya ikoli shalisiri. Bushigi bali mu gendi hiiva inyamiishwa, neꞌkyanya bali mu ba keera bazijanganula-janganula, ndaahyo bali mu siga, kwo hya shesheezi.

Yohana 18:28

Iri bukaba keera bwatejuukana, abakulu baꞌBayahudi banalyosa Yesu imwa Kayafa, banamútwala mu nyumba yoꞌbutwali ya guvuruneeri Pilaato. Kundu kwokwo, Abayahudi boonyene batanayingiraga mwiꞌyo nyumba. Mukuba, batâli loziizi ukuyihemba ikyeye kyoꞌkubabuza kwo batalye ibyokulya byeꞌPasaka.

Mikolezi 23:12

Iri bukakya shesheezi, Abayahudi banagira igambi libi hiꞌgulu lya Pahulu. Banabiikaga indahiro kwo batagaalya, batagananywa, bátazi múyita.