Hayubu 24:20 - Kifuliiru

²⁰ Ndaaye úwâye ki shubi bakengeera. Kiri na banyina, bali mu bayibagira. Ibitwera bigakizi lya ibirunda byabo. Yabo banangora-mabi, bali mu vunika, nga kiti.

Hayubu 24:20 ပူးပေါင်းရင်းမြစ်များ

Hayubu 17:14

na mbe ndi mu bwira ishinda mbu: “We daata”, na mbwire ibitwera mbu: “We maawe”, kandi iri “We mwali wani”.

Hayubu 19:10

«Agweti aganjulika-njulika imbande zooshi, halinde nahererekera. Umulangaaliro gwani, keera anagukuula, nga úwakuula ikiti.

Hayubu 19:26

Kundu amagala gaani gakoli boziri, haliko ku gaagano magala, ngaki bona Rurema.

Hayubu 21:26

Kundu kwokwo, yabo bombi bali mu ziikwa, banali mu liibwa na byebyo bitwera.

Hayubu 3:13

Íngifwe mu kubutwa, nangayigwejeriiri i kuzimu ku mutuula. Nangabiiri ngwejeriiragi bwija, na nduhuuke.

Zaburi 34:16

Mukuba, amasu ga Nahano, gali mu lola ku bandu ábali mu gira íbikwaniini. Neꞌkyanya bali mu mútabaaza, ali mu bayuvwa.

Migani 10:7

Umundu úkwaniini, ikyanya abandu bali mu múkengeera, bali mu gashaanirwa. Si nangora-mabi yehe, bali mu múyibagira lwoshi-lwoshi.

Mwigiriza 8:10

Na kandi, nanabona ngiisi kwo bagweti bagaziika abandu babi ku lushaagwa. Ee! Yabo babi, bâli komiiri ukukizi yihandalika mu nyumba ya Rurema. Na kundu bâli kizi girira amabi gaabo mu kaaya, si haaho ho banâli gweti bagakizi huuzibwa. Aaho! Yibyo nabyo, si biryagagi bya busha-busha ngana.

Hisaaya 26:14

Yabo bandi batwali, si keera bakafwa, batanâye ki zuuke mu bafwiri! Keera ukabahana, wanabaminika. Mu kati kaabo, ndaanaye úwangaki kengeerwa.

Hisaaya 49:15

Nanga! Nahano adetaga kwokuno: «Ka byangaziga kwoꞌmukazi angayibagira umwana wage waꞌkalenge, anakiri kwiꞌbeere? Si ye kamúbuta! Aaho! Ka angaleka ukumúyuvwirwa indengeerwa? Na kundu angagira mbu amúyibagire, haliko, niehe ndâye mùyibagire.

Danyeri 4:14

«“Yiki kihano, abaganda beeru bo bakakimenyeesa, lyaꞌbandu booshi balonga ukumenya kwo Rurema ye riiri hiꞌgulu lya byoshi. Bamenye na kwo ye gweti ubushobozi hiꞌgulu lyaꞌmaami gooshi. Ye mu yimika ngiisi ye aloziizi. Ali mu yimika kiri noꞌmugunda.”

Mataayo 3:10

Ibiti bikoli banguliirwi isheenyo. Na ngiisi kiti íkitagatongeka kweꞌbitumbwe biija, kigaakubwa, kinaduulikwe mu muliro.