Hayubu 22:19 - Kifuliiru

¹⁹ «Abandu boꞌkuli, ikyanya bali mu bona ngiisi kwo yabo babi bali mu shereezibwa, banasiime. Abandu bazira buhube, banakizi bashekeereza.

Hayubu 22:19 ပူးပေါင်းရင်းမြစ်များ

Hayubu 17:8

Abandu boꞌkuli, ikyanya bali mu mbona, bali mu huumirwa. Ikyanya babona kwo nagirwa buligo, banayagalwe.

Hayubu 9:23

Ikyanya ikiija kiri mu yingira, kinayite abandu haaho-haaho, ali mu yishekera naaho, kundu yabo bandu bashuba bazira buhube.

Zaburi 107:42

Mwene yago magambo, ikyanya abatuudu bali mu gabona, bali mu kizi shambaala. Si banangora-mabi boohe, banatibaalirwe.

Zaburi 48:11

Ukuboko kwawe kwoꞌbushobozi, kuyijwiri amiija, niꞌziina lyawe liyijikiini hooshi. Kyo kitumiri ugakizi yivugwa, halinde heꞌkihugo kihekiiri.

Zaburi 52:6

Si ufitiirwi naaho ku magambo goꞌkushereezania, unayamiri uli mu beesha!

Zaburi 58:10

Rurema agayami baminika duba-duba, ukuhima kweꞌnyungu ziri mu longa ukuduuta ku muliro gweꞌshaali.

Zaburi 64:10

Abandu booshi, iri bagaabona kwokwo, bagagwatwa neꞌkyoba. Banakizi yitoneesa ngiisi kwo Rurema ali kikalage mu kukola. Yibyo byoshi, banakizi bimenyeesania.

Zaburi 97:8

E Nahano, yaga gooshi, ikyanya abandu beꞌSayuni bali mu gayuvwa kwokwo, banashambaale. Kiri naꞌba mu twaya tweꞌBuyuda, nabo banashagaluke. Mukuba, we mu twa imaaja ku njira íkwaniini.

Migani 11:10

Abandu biija, ikyanya bali mu genduukirwa, booshi mu kaaya bali mu shambaala. Banali mu banda akabuuli, awi yiyi yiyi, ikyanya banangora-mabi bali mu fwa!

Bwigule 18:20

We igulu, ushambaalage! Mukuba, keera kashereera! Na niinyu mwe ndumwa, kuguma naꞌbaleevi, naꞌbandi bandu ba Rurema booshi, niinyu mushambaale kwakundi! Mukuba, kundu yako kaaya kâli kizi mùgirira amabi, haliko, keera Rurema akatwira ulubaaja hiꞌgulu lyago.