Hayubu 22:12 - Kifuliiru

¹² «Rurema atuuziri iyo munda mwiꞌgulu. Na kundu indonde ziri hala, haliko atuuziri hiꞌgulu lyazo.

Hayubu 22:12 ပူးပေါင်းရင်းမြစ်များ

Hayubu 11:7

«Ngiisi byo Rurema abishiri, ka wangabibishuula? Ka wangasobanukirwa hiꞌgulu lya Rurema woꞌbushobozi bwoshi?

Hayubu 11:8

Wehe uli nyandagi? Ubumenyi mwene yubwo, buleeziri igulu bweneene, bunayisiri neꞌkuzimu bweneene. Aaho! Naawe, uyijagi biki?

Hayubu 35:5

«Aaho! Ulolage mu kyanyaanya. Langiizagya ibibungu íbiri hiꞌgulu lyawe bweneene.

Zaburi 115:16

Íbiri mwiꞌgulu, biri bya Nahano. Si ikihugo kyohe, akakiheereza abandu.

Zaburi 115:3

E balya, si Rurema witu atuuziri mwiꞌgulu, anali mu gira nga ngiisi kwo aloziizi!

Mwigiriza 5:1

Utakizi deta mulindi-mulindi. Ikyanya utazi deta, utee yitoneesa. Utayami lagaania igambo imbere lya Rurema. Mukuba, Rurema ali hiꞌgulu, naawe uli wa mu kihugo. Ku yukwo maashi, amagambo gaawe, ukizi ganiihya kwo.

Mwigiriza 5:2

Ikyanya umundu agweti agagerania ku magoorwa mingi-mingi, ali mu loota ibirooto bya kundi-kundi. Kiri noꞌmuhwija, ikyanya agweti agavuujuka-vuujuka, ali mu ba agweti agayikululira umwama.

Hisaaya 57:15

Rurema ayamiri ho imyaka neꞌmyakuula! Ali Mweruuka, anatuuziri mwiꞌgulu bweneene. Anadetaga kwokuno: «Nduuziri mwiꞌgulu bweneene, hanali hataluule. Na kwakundi, nduuziri kuguma na ngiisi úli mutuudu, anabe ayibiisiri haashi. Ee! Yabo batuudu, bwo bali mu yibiika haashi, kyo kitumiri ngabaheereza imisi mihyahya.

Hisaaya 66:1

Nahano adetaga kwokuno: «Igulu, kyo kitumbi kyani kyoꞌbwami. Neꞌkihugo, kyo ndi mu laaviza kwo. Aaho! Hayagi ho mugaki nyubakira inyumba? Ka hali ahandu ho nangaluhuukira?