Hayubu 20:27 - Kifuliiru

²⁷ Ubuligo bwabo bwoshi, igulu ligabubishuula. Ikihugo kigabutangira ubumasi, mu kubanyagaza.

Hayubu 20:27 ပူးပေါင်းရင်းမြစ်များ

Hayubu 16:18

«E kihugo, bwoꞌmuko gwani keera gwayoneka, utagubwikire. Leka gukizi ndirira, lyo ndonga ukuli kwani.

Hayubu 18:18

Bagasaazibwa mu mulengeerwe, banalashwe mu kihulu, banabe bakoli yimwirwi mu kihugo.

Hisaaya 26:21

Lolagi! Nahano akola agalyoka mwiꞌgulu. Abandu beꞌkihugo bakiri mu gira amabi, kinatume agabahana hiꞌgulu lyago. Abiitani, kundu bâli kizi yona umuko mu kihugo, haliko yugwo muko, gutagaki shubi bishama.

Yeremiya 29:23

Bigaaba kwokwo, bwo mukahigula mu Bahisiraheeri. Mu kati kiinyu, umushosi agweti agashuleha muka uwabo. Banali mu koleesa iziina lyani, mu kukizi tanga ubuleevi bweꞌkinyoma. Banali mu gendi deta kwo nie kabatuma, ndanali nie. Yibyo byoshi, mbiyiji-yiji, na ndi nie kamasi kaabyo.” Kwokwo, kwo Nahano adesiri.»

Malaki 3:5

Nahano woꞌbushobozi bwoshi, adetaga kwokuno: «Ha nyuma, ngayiji mùhana. Ngayami yiji lega abanamaleere, naꞌbashule, naꞌbanabinyoma, na ábagweti bagagunga imbembo yaꞌbakozi, na ábali mu kizi libuza banamufwiri neꞌfuuvi, na ábali mu nyima ibinyamahanga ukuli kwabyo, na ngiisi ábatali mu ndwaza.

Barumi 2:16

Yibi byoshi, kwokwo kwo bigaaba, ku lusiku lwo Rurema âye twe imaaja za íbibishamiri mu mitima yaꞌbandu. Agaazitwa ku njira ya Yesu Kirisito, ukukulikirana neꞌMyazi Miija yo ndi mu yigiriza.

1 Bakorindo 4:5

Ku yukwo, mutalunguli twa ulubaaja lwoꞌmundu yeshi. Si mukizi lindira, halinde ku lusiku lwo Nahano agayija kwo. Mukuba, ngiisi íbiki bishirwi mu kihulu, agabitanguulira. Anabishuule na ngiisi byaꞌbandu bashungisiri mu mitima yabo. Ku lwolwo lusiku, iri abandu bangaba bakwaniini ukuhuuzibwa, lyo Rurema agabahuuza.

Bukengeeze 31:28

Buno, mungumanize abashaaja booshi, kuguma naꞌbimangizi biinyu beꞌmilala. Ngababwira yaga magambo gooshi. Ikihugo niꞌgulu, bigabeera tumasi hiꞌgulu lyabo.