Hayubu 20:23 - Kifuliiru

²³ Ikyanya bagaaba bakiri mu yihahala, mbu lyo bahaaza amabunda, Rurema agabarakarira bweneene. Agakizi batumuula imbi, zinabahone kwo nga nvula.

Hayubu 20:23 ပူးပေါင်းရင်းမြစ်များ

Ndondeko 19:24

Lyeryo ngana mwiꞌgulu, Nahano anatibulira imbigi zoꞌmuliro mu kaaya keꞌSoodoma na mu keꞌGomora.

Hayubu 20:13

Batanalooza ukubushaaza mwo, si bâli kizi buhaasa mwo.

Hayubu 20:14

Kundu kwokwo, ikyanya buli mu yika mu nda, buli mu hinduka bululu, bunabe bukola nga manjoka-njoka.

Zaburi 11:6

Agabatibulira kwiꞌbengesheeshe lyoꞌmuliro, gunali mu gulumira bweneene, ikyuka kyagwo kinabayifuke kwo. Kwokwo, kwo bagakizi hanirizibwa.

Kulyoka 9:23

Ikyanya Musa akashongaga ingoni yage hiꞌgulu, lyeryo mu kihugo kyoshi kyeꞌMiisiri, Nahano ananiesa mwoꞌlugungu bweneene. Mwanakizi yuvwikana neꞌmikungulo. Mu kihugo, imilavyo yanakizi lavya hooshi. Kwokwo, kwo Nahano akaniesa ulukungu mu kihugo kyeꞌMiisiri.

Hisaaya 21:4

Umutima gwani gukola mu puupa. Neꞌkihuumula kikola mu njugumya. Njubi yifwijiri akabigingwe kahikage, lyo mboleera. Si kaako kabigingwe, leero nako kandeera ulushunguti.

Hamoosi 8:10

Isiku ziinyu ngulu, ngazihindula, zibe za kigandaaro. Na kundu muli mu yimba ku kisegengo, halikago mukola mugaalira ku kimombo. Mugayambala ibyambalwa byeꞌkigandaaro. Na bwo mugaaba mukoli jengiirwi, mugakunguula amatwe giinyu. Ku yikyo kigandaaro, mugaaba nga úwafwirwa neꞌkininga. Ulusiku lwoꞌkushibuuka, mugajengeerwa ngana-ngana!»

Muharuuro 11:18

«Yabo bandu, ubabwire: “Si mugweti mugabululuka, ti: Nga byangashobosiri, utuheereze inyama, tulye. Ikyanya twâli tuuziri i Miisiri, kwo kukulu ku mwene yuku.” «“Aaho! Buno, Nahano keera amùyuvwa. Kwokwo, muyiyeruusagye, munayiringikanie. Mukuba, kusheezi Nahano akola agamùherezagya inyama. Yizo nyama, munaziyihaguule.

Muharuuro 11:33

Zirya nyama, ikyanya bâli ki gweti bagazikaaja, banaba batazi zimira, haaho Nahano anabarakarira bweneene, anabatibulira mweꞌkiija.