Hayubu 20:12 - Kifuliiru

¹² «Ikyanya bâli kizi gira ubuligo, yubwo buligo bwananuna nga sukaari. E ma! Bwâli kizi nuna mu kanwa kaabo.

Hayubu 20:12 ပူးပေါင်းရင်းမြစ်များ

Ndondeko 3:6

Uyo mukazi, anabona kweꞌbitumbwe bya kirya kiti bibuyahiri bweneene, anabona kwo byanganuna mu kanwa. Na kwakundi, byanganabaleetera ubumenyi. Nguye, ku yibyo bitumbwe, anadotola kiguma, anakilya kwo. Na bwo âli riiri na yiba, kyanatuma agamúfumbadika kyo, naye analya.

2 Samweri 11:12

Lyeryo, Dahudi anamúbwira: «Ulaalage hano. Na kusheezi ngakuhanguula ugaluke.» Kwokwo, yulwo lusiku, Huriya anabeera haaho mu kaaya keꞌYerusaleemu. Iri bukakya,

Hayubu 15:16

Aahago! Ka itali yo haahe kwoꞌmundu atali mweru? Si akoli bihuusiri, anagweti agaakola buligo nga kwo ali mu kizi nywa amagaloovi!

Zaburi 10:7

Ulya mubi, akanwa kaage kayijwiri mwaꞌmadaaki, anagweti agatebana, iri analyalyania. Ululimi lwage lugweti lugayagazania naaho.

Migani 19:28

Ikyanya akamasi kali mu beesha, kali mu gayiriza ukuli. Ee! Banangora-mabi bakuuziri ukukizi gira amabi.

Migani 20:17

Ikyanya umundu ali mu zimba ibyokulya, biri mu tee nuna. Si ubuzinda, biri mu hinduka lushegebwe mu kanwa.

Mwigiriza 11:9

E mutabana, ikyanya ukiri musore, ukizi shambaala. Ukizi shagaluka mu mutima gwawe. Ngiisi byo uloziizi ukugira, ubigire. Na ngiisi byaꞌmasu gaawe gayifwijiri, ukizi bikulikira. Kundu kwokwo, ukizi kengeera kwo yibyo byoshi, Rurema agaki kutwira ulubaaja hiꞌgulu lyabyo.

Yeremiya 2:19

Aahago! Keera mukabihuuka, munakoli ba banangora-mabi. Kwokwo, mukolaga mugaahanwa, gira mulonge ukuyiga. Kundu nie Rurema Nahamwinyu, si keera mukanjanda, mutanaki nzimbahiri. Kyo kitumiri mukayikululira ubuhanya, mwanayingira mu makuba. Kwokwo, kwo nie Rurema Nahamwinyu woꞌbushobozi bwoshi ndesiri.