Hayubu 2:3 - Kifuliiru

³ Nahano anashubi múbuuza: «Aahago! Ka wayitegeereza bwija umukozi wani Hayubu? Mu bihugo byoshi, ndaaye gundi úli mwija nga ye. Âli mu kizi yiyeka neꞌbyaha, buzira kubiyifunda mwo. Atungiini imbere lyani, anayamiri anzimbahiri. Na kundu keera wambidika kwo nimúhoole ubusha, haliko aki tuuziri mwemeera imbere lyani.»

Hayubu 2:3 ပူးပေါင်းရင်းမြစ်များ

Ndondeko 6:9

Abandu ba mu mbaga ya Nuhu, umwazi gwabo gwo gwoguno: Ku kyanya kyage, yehe naaho, ye wâli kwaniini imbere lya Rurema, ndaanabwo buhube bwo âli hiiti. Âli tuuziri neꞌngoome nyiija na Rurema.

2 Samweri 20:20

Yohabu naye, ti: «E mugoli, nanga! Ndaloziizi ukushereeza kano kaaya.

Hayubu 1:1

Mu kihugo kyeꞌHuuzi, mwâli tuuziri mundu muguma, iziina lyage ye Hayubu. Uyo Hayubu, âli mundu woꞌkuli, úwâli tungiini imbere lya Rurema. Âli kizi múgingika, iri anayiyeka neꞌbyaha.

Hayubu 1:11

Aahago! Wangatee golola ukuboko kwawe, unayabiirage byoshi byo ahiiti, lyo ugaabona ngiisi kwo agakutuka.»

Hayubu 1:6

Iri hakatama, lusiku luguma, abaganda ba Rurema banagendi kuumana imbere lya Nahano. Shetaani naye, anabagwana ho.

Hayubu 1:8

Nahano anashubi múbuuza: «Aahago! Ka wayitegeereza bwija umukozi wani Hayubu? Mu bihugo byoshi, ndaaye gundi úli mwija nga ye. Uyo Hayubu, âli mu kizi yiyeka neꞌbyaha, buzira kubiyifunda mwo. Atungiini imbere lyani, anayamiri anzimbahiri.»

Hayubu 13:15

Kundu Rurema anganyita, ngamúbiika kwoꞌmulangaaliro. Ngayitanga, mu kuyibulanira imbere lyage.

Hayubu 2:2

Nahano anabuuza Shetaani: «Hayi walyoka?» Shetaani naye, ti: «Njuba mu jeba-jeba mu kihugo, mu kukizi tanduula byoshi íbiri mu koleka mwo.»

Hayubu 2:4

Shetaani, ti: «Magala ku gandi! Si umundu angatanga ngiisi byo agweti, gira lyo alonga ukuyikiza!

Hayubu 9:17

Rurema ali mu nyuka-nyuka neꞌkihuhuuta. Na kundu ngwaniini imbere lyage, ali mu kizi ngomeeresa naaho.

Hayubu 9:20

Kundu nangabiiri nduuziri buzira buhube, si amagambo gaani, gangayerekana kwo ndi munabuhube. Na kundu nangaba ndi woꞌkuli, haliko, amagambo gaani gangayerekana kwo ndi nangora-mabi.

Zaburi 26:1

Izaburi ya Dahudi. E Nahano, nyamiri ndungiini, na ngubiisiri kwoꞌmulangaaliro, buzira kuhizaanwa. Kwokwo, umbulanire, maashi!

Zaburi 37:37

Mukizi yitoneesa ku bandu ábakwaniini, balya ábatahiiti ubuhube. Mukuba, ngiisi ábakuuziri umutuula, bagaalama.

Zaburi 41:12

Nyiji bwija kwo unziimiri. Utanali mu leka abagoma mbu bayihaye hiꞌgulu lyani.

Migani 11:8

Umundu mwija ali mu kizibwa mu makuba. Si nangora-mabi yehe, yago makuba gali mu mútibukira kwo.

Migani 13:6

Ngiisi úli mu gira íbikwaniini, biri mu múlanga. Si banangora-mabi boohe, bali mu shereezibwa mu mabi gaabo.

Migani 14:2

Ngiisi ábali neꞌmikolezi miija, bali mu simbaha Nahano. Si banangora-mabi boohe, bali mu múgayiriza.

Migani 15:8

Amatuulo ga banangora-mabi, Nahano agashombiri. Si amahuuno gaꞌbandu ábatungiini, gali mu músimiisa.

Migani 16:17

Abandu biija bali mu yiyeka naꞌmabi. Ngiisi úli mu langa injira yage, ye mu langa noꞌburambe bwage.

Yohana 9:3

Yesu anabashuvya: «Íbitumiri uyu mundu ali mbumi, kutali hiꞌgulu lyeꞌbyaha, biba byeꞌmwage, kandi iri byaꞌbabusi baage. Halikago, akabutwa ali mbumi, gira lyoꞌbushobozi bwa Rurema bumúyerekanwa kwo.

Bafiripi 3:12

Yibyo byoshi, ndadesiri kwo keera nꞌgabigira. Ndanadesiri kwo ngoli tungiini ku byoshi. Kundu kwokwo, ngiri mu yihangaana, gira lyo ndonga ukuyakiira byo Yesu Kirisito naye keera akangwakiza kwo.

Yakobo 1:12

Umundu ahiriirwi, ikyanya ali mu yihangaana mu magezo! Mukuba, ikyanya agaaba keera agahima, Rurema agamúhemba ubulamu, lube lushembe lwage. Ngiisi ábamúkuuziri, kwokwo kwo âli mali gwanwa abalagaania.

1 Peturu 1:7

Akalimbi ka yago magezo, kuli kuyerekana ku kasiisa kwoꞌbwemeere bwinyu buli bwoꞌkuli. Kiri neꞌnooro, iri mu gezibwa ku njira yoꞌkukalangwa, inali ya kulenga naaho. Noꞌbwemeere bwinyu, bwo bulyagagi naꞌkamaro bweneene ukuhima inooro. Kyo kitumiri mugahuuzibwa ku kyanya Yesu agagaluka. Munalonge noꞌbulangashane noꞌlushaagwa.

1 Peturu 5:10

Rurema ye mwene ulukogo lwoshi. Ye kanamùhamagala kwo mulamage mu bulangashane bwage bweꞌmyaka neꞌmyakuula mu kati ka Kirisito! Neꞌkyanya mugaaba keera mwalibuuka ku kyanya kiniini, yenyene agamùgira mushubi ba bagumaana. Anamùkanie halinde musikame, munabe mukoli dediiri.