Hayubu 16:4 - Kifuliiru

⁴ «Múkibe nga ngiisi kwo ngoli ba, naani nangashobwiri ukudeta gaago magambo giinyu. Nangashobwiri ukumùshokoora, iri nanjagania itwe.

Hayubu 16:4 ပူးပေါင်းရင်းမြစ်များ

2 Baami 19:21

Kwokwo, ngweti ngaadeta yiri igambo hiꞌgulu lyage kwokuno: Abandu beꞌSayuni bagweti bagakunegura lwoshi, banali mu kushekeereza. Ikyanya uli mu shaaga, abandu beꞌYerusaleemu banasigale bagweti bagakuzuugiza amatwe, mu kukugayiriza.

Hayubu 11:2

«Bwo ugweti ugalomboojera bweneene, tukwiriiri ukukushuvya. Aaho! Koꞌmundu angayerekana kwo atahiiti ubuhube, mbu bwo ali mu lomboojera?

Hayubu 16:5

Kundu kwokwo, niehe, njuba ngamùkania umutima. Nangamùholeziizi, mu kumùluhuusa.

Hayubu 35:16

E Hayubu, si ugweti ugafwolomboka. Wehe, amagambo gaawe gali ga buhwija.»

Hayubu 6:14

«Umundu, ikyanya ashenguka, mwira wage akwiriiri amúgirire bwija. Halikago mwehe, mugweti mugandega kwo ndasimbahiri Rurema woꞌbushobozi bwoshi.

Zaburi 109:25

Abagoma baani bagweti baganyamiriza. Ikyanya bali mu mbona, bali mu kizi zuuza amatwe gaabo.

Zaburi 22:7

Halikago buno, ndakiri mundu. Si ngola nga kizimu! Abandu bagweti bagangayiriza, iri banambonyoleza.

Zaburi 22:8

Ngiisi ábali mu mbonaga, bali mu njekeereza, iri bananduka. Bali mu zuuza amatwe,

Zaburi 44:14

Ukaleka abatuulani biitu bakizi tuyamiriza. Bâli kizi tuhonyoleza, iri banatutyoza.

Migani 10:19

Ngiisi úli mu tyabiriza ululimi, ali mu yami yifunda mu byaha. Haliko, iri wangahangirira akanwa kaawe, lyoki uli mu ba mwitegeereza.

Mwigiriza 10:14

Umuhwija agweti agaadeta amagambo mingi ku bigaki yija. Kundu kwokwo, ndaaye úyiji íbigakoleka ha nyuma lyage.

Hisaaya 37:22

Nadeta hiꞌgulu lyage kwokuno: Ewe! Abandu beꞌSayuni bagweti bagakunegura lwoshi, banali mu kushekeereza. Ikyanya uli mu shaaga, abandu beꞌYerusaleemu banasigale bagweti bagakuzuugiza amatwe, mu kukugayiriza.

Yeremiya 18:16

Ikihugo kyeꞌBuyuda, keera bakihindula mushaka. Na ngiisi úli mu kilenga mwo, ali mu zuuza itwe, mu kusoomerwa. Mango kyashereezibwa, bagasoomerwa ngana-ngana!

Yeremiya 48:27

E Bamohabu, si mwâli kizi honyoleza Abahisiraheeri! Mwanakizi baharuura nga bakagwatwa mu biso byaꞌbanyazi, mwanabazuugiza amatwe.

Kimombo 2:15

E Yerusaleemu! Ikyanya abagoma bali mu lenga imwawe, bali mu kuhonyoleza, ti honyo! Banali mu kulakiza inguuju, iri banazuuza amatwe gaabo, ti: «Kano kaaya, si bashuba mu deta kwo ko kiija ukuhima utundi twoshi, na kwo kali mu shambaaza abandu mu bihugo byoshi!»

Sefaniya 2:15

Yako kaaya keꞌNinaawi, abandu bâli katuuziri mwo ku malega, na mu butoge. Bâli kizi deta, ti: «E balya, si twe tushubi sumbiri abandi bandu booshi!» Aaho! Kuti kuno ukolaga mushaka unakoli ba igomberano lyeꞌnyamiishwa! Ikyanya abandu bagakizi lenga yaho, bagakizi kuhonyoleza, iri banashagania amaboko, mu kukushekeereza.

Mataayo 7:12

«Mukizi girira abandi, nga kwo niinyu muloziizi bakizi mùgirira. Yiri igambo, lyo lishwesiri byoshi íbiri biyandike mu maaja za Musa, na mu bitaabo byaꞌbaleevi.»

Barumi 12:15

Ikyanya abandu bali mu shambaala, munakizi shambaalira kuguma! Neꞌkyanya bali mu lira, munakizi lirira kuguma.

1 Bakorindo 12:26

Ikyanya ikirumbu kiguma kiri mu libuuka, neꞌbyabo byoshi biri mu libuukira kuguma. Neꞌkyanya ikirumbu kiguma kiri mu kuzibwa, neꞌbyabo byoshi binashambaalire kuguma nakyo.