Hayubu 16:19 - Kifuliiru

¹⁹ Kiri na buno, akamasi kaani kagweti kagambulanira mwiꞌgulu. Ee! Uyo úli mu kizi mbulanira, atuuziri yaho hiꞌgulu bweneene.

Hayubu 16:19 ပူးပေါင်းရင်းမြစ်များ

Ndondeko 31:50

Banyere baani, iri wangabalibuza, kandi iri ubahalika, kwokwo umenyage kwo mu kati kiitu, ndaako kandi kamasi, átali Rurema yenyene.»

Hayubu 16:18

«E kihugo, bwoꞌmuko gwani keera gwayoneka, utagubwikire. Leka gukizi ndirira, lyo ndonga ukuli kwani.

Hayubu 19:25

«Kundu kwokwo, nyiji bwija. Ulya woꞌKumbulanira, alyagagi ho. Na ku mbeka, agayimanga mu kihugo.

Hayubu 25:2

«Rurema ahiiti ubushobozi bweneene, anakwaniini ukusimbahwa. Halinde kiri na mwiꞌgulu, ye mu tegeka byoshi.

Hayubu 31:2

Aaho! Rurema úliiri mwiꞌgulu, biki byo atushungikiiri? Biki byo tugakizi longa imwa Rurema woꞌbushobozi bwoshi?

Zaburi 113:5

Rurema Nahamwitu, twangamúshushirania na nyandi? Si abwatiiri ku kitumbi kyoꞌbwami mwiꞌgulu!

Zaburi 148:1

Tukizi huuza Nahano! Mukizi huuza Nahano, mwe muli mwiꞌgulu. Mukizi múhuugiza yaho áhali hiꞌgulu bweneene.

Zaburi 89:37

Abandu beꞌkibusi kyage, bagayama ho imyaka neꞌmyakuula. Ubwami bwage, bugakizi yama imbere lyani, nga kwiꞌzuuba liyamiri ho.

Barumi 1:9

Rurema ayiji ngiisi kwo nyamiri ndi mu mùhuunira imwage. Na ndi mu múkolera ku mutima gwani gwoshi, mu kukizi menyeesa abandu Imyazi Miija yoꞌMwana wage.

Barumi 9:1

Amagambo go ngola ngaadeta buno, mumenyage bwija kwo gali goꞌkuli mu kati ka Kirisito! Kiri noꞌMutima Mweru, gugweti guganyereka mu mutima gwani kwo gatali ga bibeesha.

2 Bakorindo 1:23

Kwokwo, íbikatuma ndakaki galukira iyo munda i Korindo, kuli hiꞌgulu lyoꞌkumùkejeerera. Ikyanya nadetaga yiryo igambo, Rurema yenyene ye kamasi kaani.

2 Bakorindo 11:31

Mukuba, Rurema, Yishe wa Nahamwitu Yesu, yehe naaho ye kwaniini ukukizi yivugwa imyaka neꞌmyakuula. Ye nayiji kwo ndagweti ngabeesha.

Bafiripi 1:8

Rurema, ko kamasi kaani kwo ngoli mùkumbwiri mweshi mu kati koꞌrukundo lwa Yesu Kirisito.

1 Batesaloniki 2:10

Mwe Bakirisito, mulyagagi tumasi twitu, kwo twâli tuuziri mu kati kiinyu ku njira nyeeru, ínakwaniini. Ndaabwo buhube bwoshi bwo tukamùgirira. Kiri na Rurema, ali kamasi kiitu.

1 Batesaloniki 2:5

Muyiji bwija kwo tutâli kizi mùlyeryega, mbu lyo tumùhenduula, kandi iri mbu tumùlyalyanie ku bindu biinyu. Rurema yenyene ye kamasi kiitu!

1 Samweri 12:5

Samweri anashubi deta: «Nahano, ye kamasi kiinyu zeene, kuguma noꞌyu mwami úwashiigwa amavuta. Ndaahyo hindu hyo mwabona kwo nꞌgamùzimba.» Banashubi múshuvya: «Ee! Nahano, ye kamasi kiitu.»