Hayubu 15:23 - Kifuliiru

²³ Bali mu jeba-jeba, mu kulooza byo bagaalya. Banayiji-yiji kwoꞌlwabo keera lwayegerera.

Hayubu 15:23 ပူးပေါင်းရင်းမြစ်များ

Ndondeko 4:12

Ikyanya ugakizi lirima, utagaki shubi yeza. Si ukola ugaaba mundu woꞌkukizi jeba-jeba mu kihugo, iri unakizi yangaara.»

Hayubu 15:22

Yabo banangora-mabi, batali mu gira mbu batoloboke mu kihulu. Mukuba bakoli yobohiri kwo bagayitwa ku ngooti.

Hayubu 15:24

Yulwo lusiku, luli mu bahumaaza. Bakoli shengusiri ngoꞌmwami úkola úgayingira mwiꞌzibo.

Hayubu 15:30

Bagakizi beera i kuzimu, áhali ikihulu naaho, buzira kufuuka yo. Imbigi zoꞌmuliro zigayumya ulukeme-keme lwabo. Noꞌmuuka gwa Nahano gugabashereeza.

Hayubu 18:12

«Kundu bâli koli kaniri, haliko buno keera bateerwa noꞌmwena. Ubuhanya naaho, bukoli balindiriiri.

Hayubu 18:18

Bagasaazibwa mu mulengeerwe, banalashwe mu kihulu, banabe bakoli yimwirwi mu kihugo.

Zaburi 109:10

Yabo baana baage basigale nzereezi zoꞌkukizi genda zigahuuna-huuna. Kiri neꞌbiguuka byabo, babiyimulwe mwo.

Zaburi 59:15

Yabo bagoma, si bali mu galuka kabigingwe, banakizi sokanana akaaya, iri banamoka nga tubwa.

Zaburi 59:16

Bali mu jeba-jeba, mu kulooza byo bagaalya. Neꞌri batangayiguta, banakizi bwija.

Migani 10:3

Umundu úkwaniini, Nahano atali mu múleka mbu ashalike. Si banangora-mabi boohe, ali mu bahangirira, batalonge byo bayifwijiri.

Migani 16:4

Nahano ali mu koleesa ngiisi igambo, ukukulikirana neꞌshungi zaage. Kiri na banangora-mabi, ababikiiri ulusiku lwo agabahana kwo.

Mwigiriza 11:8

Kiri naꞌbandu, ikyanya bali mu ramba imyaka mingi, bakwiriiri bashambaalire ngiisi lusiku lwaꞌmarambe gaabo. Kundu kwokwo, bakizi kengeera kweꞌsiku mbi zo zigaaba nyingi. Si byoshi íbigaki kulikira ha nyuma, biryagagi bya busha-busha!

Kimombo 5:6

Keera tukayibiikaga mu maboko gaꞌBamiisiri naꞌBahasuriya, lyo tulonga byo tugaalya.

Kimombo 5:9

Mu kuloozagya ibyokulya biitu, tuli mu yibiika ho twangasiga amatwe. Abiitani bagweti bagatuhinda-hinda mwiꞌshamba.

Yuheeri 2:2

Yulwo lusiku, luli mweꞌkihulu kya namudidi, lunali lweꞌbibungu bizito. Aaho! Langiizi ngiisi kweꞌkiso kihamu kyeꞌbizimu kiri mu hika. Kigweti kigayija ngana, nga kwiꞌzuuba liri mu tunduuka shesheezi. Yibyo bizimu, biri kandaharuurwa, binali neꞌmisi bweneene. Yiryo igambo, litazindi boneka, litanâye shubi boneka!

Hamoosi 5:20

Ulusiku lwa Nahano, lutagaleeta umulengeerwe. Si lugaaba naaho lwa kihulu namudidi, buzira kiri noꞌlukeera.

Sefaniya 1:15

Yulwo lusiku, uburaakari bwa Nahano bugayonerwa ku bandu, banalibuuke, iri banashenguka bweneene. Banashereezibwe, iri banasigwa mu mushaka. Lulya lusiku, lugaaba lweꞌkihulu, na lwoꞌmwizingeerwe, lunayidike mweꞌbibungu biiru, halinde kinabe kihulu kya namudidi.

Baheburaniya 10:27

Tunasigalage naaho mu kyoba, mu kulindirira kwo tugatwirwa ulubaaja imbere lya Rurema, tunalashwe mu muliro úguli mu yigwima bweneene. Mwomwo, mwo agasingoolera abagoma baage!