Hayubu 14:20 - Kifuliiru

²⁰ Uli mu shemya umundu, anayami nyerera imyakuula. Unahindule amalanga gaage, unamúkabulire hala.

Hayubu 14:20 ပူးပေါင်းရင်းမြစ်များ

Hayubu 14:14

Umundu, iri angaba akoli fwiri, ka angaki shubi tuula ho? Isiku zaani zooshi, ngweti ngalibuuka. Si nangalindirira halinde njwekuulwe mu lufu.

Hayubu 2:12

Yabo bashatu, iri bakalangiiza Hayubu ku hala, batanaki múmenya. Lyeryo, banatondeera ukubululuka ku kimombo iri banadaatula amakanju gaabo. Banakizi yitumuulira ulukungu mu matwe, mu kuyerekana ngiisi kwo bakoli jengiirwi.

Hayubu 20:7

Haliko ha nyuma, bagaki lashwa hala, nga myanda. Ngiisi ábashubi bayiji, bagakizi yibuuza, ti: “Balyagagi hayi?”

Hayubu 3:13

Íngifwe mu kubutwa, nangayigwejeriiri i kuzimu ku mutuula. Nangabiiri ngwejeriiragi bwija, na nduhuuke.

Hayubu 4:20

Shesheezi, abandu bali mu ba bakiri bagumaana. Haliko kabigingwe, banabe keera bafwa. Yabo bandu, bali mu ba bazimiiri lwoshi-lwoshi.

Mwigiriza 8:8

Ndaaye mundu úhiiti ubushobozi bwoꞌkugwatirira umutima gwage. Ndaanaye úwangahangirira Narufu atamútwale. Ikyanya kiꞌzibo, ndaaye úwangahanguulwa mbu ataahage. Kwo na kwokwo, iri wangaba ugweti ugakizi gira amabi, yago mabi gatangalunguli kulikuula.

Kimombo 4:8

Halikago buno, amalanga gaabo, gakoli yulubiiri, ganakola miiru-miiru, ukuhima amakala. Ikyanya bali mu lenga mu njira, ndaaye úwangaki bamenya. Uluhu lwabo, keera lwananiirana naꞌmavuha. Keera lwanayumaguka nga lushaali.