Hayubu 14:18 - Kifuliiru

¹⁸ «Amalambo gagweti gagayihongoleka. Naꞌmabuye gagweti gagakuulika ahandu haago.

Hayubu 14:18 ပူးပေါင်းရင်းမြစ်များ

Hayubu 14:17

Yibyo byaha byani binabe bikoli hambirwi mu ludaha, noꞌbubi bwani bunabe bukoli bwikiirwi.

Hayubu 14:19

Ishalalo zaꞌmiiji zigweti zigahokoorora amabuye. Neꞌnvula igweti igamoola idaho. Kwo na kwokwo, naawe, uli mu hebuuza abandu umulangaaliro.

Hayubu 18:4

«Kundu wangayikuula invwi, keꞌkihugo kigaasigwa kimaata hiꞌgulu lyawe naaho? Kaꞌmabuye gangakoli jungubana hiꞌgulu lyawe?

Hisaaya 40:12

Aahago! Nyandi gundi keera úkagera inyaaja mu maboko gaage? Kandi iri akoleesa ukuboko, mu kugera ikyanyaanya? Nyandagi úyiji ubuzito bweꞌkihugo, keera anagera imigazi noꞌtugangazi noꞌlugero?

Hisaaya 54:10

Nahano adetaga kwokuno: «Ngweti ngakuyuvwirwa indengeerwa. Kwokwo, nakulagaania kwo kundu imigazi yanganyerera, na kundu utugangazi twangajugumbana, halikago ndâye kuhemukire. Keera namùlagaania kwo mugalonga umutuula, gunayame ho. Nie Nahano, nyamiri ndi mu mùyuvwirwa indengeerwa. Kwokwo, kwo ndesiri.»

Hisaaya 64:1

Nga wangabiiri nga kulya umuliro guli mu singoola ikishungu-shungu, na nga kwo guli mu duusa amiiji ganashere. Kwokwo, naawe bwangabiiri bwija ushonookage, unayimenyeese mu bagoma baawe. Ibinyamahanga bigakubona, binajugume.

Yeremiya 4:24

Ha nyuma, nanalangiiza ku migazi, nanabona kwo ikola mu jugumbana, kuguma noꞌtugangazi.

Mataayo 27:51

Mu nyumba ya Rurema, mwâli manisirwi umulondo, úgwâli giziri ikisiika. Lyeryo, gulya mulondo gwanayami lalaanuka mwo kubiri, ukulyokera hiꞌgulu halinde haashi. Na kwakundi, ikihugo kyanajugumba. Kiri naꞌmabuye, ganabereka.

Bwigule 20:11

Nanabonaga ikitumbi kihamu kyoꞌbwami, kyeru pepeepe! Nanabona na úwâli kibwatiiri kwo. Ikihugo niꞌgulu byanayami nyerera imbere lyage. Mukuba, hatakaki boneka ho bigabeera.

Bwigule 6:14

Igulu lyanabungwa-bungwa, nga kwo bali mu bunga-bunga ikitaabo kibungirize, lyananyerera! Imigazi yoshi, na ngiisi tulira twoshi, nabyo byanashaazibwa ho byâli riiri!

Bwigule 8:8

Umuganda wa kabiri naye anadihiriza ikyeꞌmwage. Hanabonekaga ikindu íkiri nga nangungubanga woꞌmugazi. Yugwo mugazi, gwâli gweti gugayigwima kwoꞌmuliro. Gwanatibulirwa mu nyaaja. Ikihande kiguma kya kashatu kyeꞌrya nyaaja, kyanayami hinduka muko.