Hayubu 13:5 - Kifuliiru

⁵ Nga mwangatee hulisiri, lyoki, mwangabiiri bitegeereza nirizina.

Hayubu 13:5 ပူးပေါင်းရင်းမြစ်များ

Hayubu 11:3

Bwo ugweti ugalomboojera, ka kyo kitumiri ngahulika? Ikyanya ugweti ugashekeereza Rurema, abandu bakwiriiri bakubonie ishoni.

Hayubu 13:13

«Muhulikage maashi, gira naani ndete. Ngiisi íbigangoleka kwo, kwo na kwokwo.

Hayubu 13:6

«Yuvwirizagi ngiisi kwo ngweti ngayibulanira, munyuvwirize ngiisi kwo ngaadeta naꞌkanwa kaani nienyene.

Hayubu 16:3

Ka mutâye yuse ukulomboojera ulundatwika? Aahago! Biki íbitumiri muki gweti mugaadeta?

Hayubu 18:2

«Ewe! Yuku kulomboojera kwawe, ugakutwikira kwo mangoki? Tee detage amagambo ágayuvwikiini, gira lyo tulonga ukuganuula bwija.

Hayubu 19:2

«Mugagendereraga ukundibuza halinde mangoki? Si yaga magambo giinyu, gagweti gaganvungula-nvungula!

Hayubu 21:5

«Mundole kwo, lyo niinyu musoomerwa. Mubiike amaboko giinyu ku tunwa, mu kuyerekana kwo mukoli shengusiri.

Hayubu 32:1

Uyo Hayubu âli kaviriziizi ukuyibona kwo ye kwaniini. Neꞌri hakatama, yabo bandu bashatu, Herifaazi, na Biridaadi, na Sofaari, banaleka ukumúshuvya.

Hayubu 32:16

Aaho! Ka ngenderere ukumùlindirira, mutanakiri mu deta? Ka mbwatale naaho, buzira kushuvya igambo?

Migani 17:28

Kiri noꞌmuhwija, iri angayihulikira, ali mu boneka kwo ali mwitegeereza. Ee! Iri angaziba akanwa kaage, ali mu menyeekana kwo asobanukiirwi.

Mwigiriza 5:3

Iri wangatangira Rurema umuhango, utatindirize ukugukwiza. Iri wangatindaga nga muhwija, utagamúsimiisa. Ku yukwo, ikyanya ugweti ugamútangira umuhango, ugukwizagye.

Hamoosi 5:13

Ku kyanya kibi nga kyekino, ndaakwo kundi! Umwenge, ali mu hulika ngana.

Yakobo 1:19

E beene witu bakundwa! Munyuvwirizagye bwija! Hatagire úgakizi deta ku mulindi! Haliko mukizi ba beeshu mu kuyuvwiriza. Mutanakizi ki yagalwa duba.