Hayubu 13:11 - Kifuliiru

¹¹ Ubulangashane bwage, ka butamùteeziri ikyoba? Ka mutangagwatwa neꞌkihuumula hiꞌgulu lyage?

Hayubu 13:11 ပူးပေါင်းရင်းမြစ်များ

Hayubu 13:12

Imigani yo muli mu tyabiriza, iri neꞌkishingo nga kyoꞌmunyota-kiiko. Ukuyibulanira kwinyu, kwangayami yibumbulika nga luzitiro luyubake neꞌbidaka.

Hayubu 13:21

Bwoꞌkuboko kwawe kugweti kuganjulika, ukundyokeze, utanakizi ki nyobohya ku bulangi bwawe.

Hayubu 31:23

Yibyo bihano, byo bikulu, ho Rurema yenyene angayiji njereeza. Iri Rurema woꞌbulangashane angambaga, iri namala lwoshi.

Zaburi 119:120

Amagala gaani, gali mu juguma hiꞌgulu lyawe. Ikyanya uli mu kizi twa imaaja, ndi mu ba nzisimbahiri.

Kulyoka 15:16

Bagagwatwa neꞌkyoba, noꞌlushunguti. Yabo bandu, ikyanya bagaabona ubushobozi bwawe, bagaaba munyerere ngiꞌbuye, halinde abandu baawe balenge. Mukuba, keera wabaguluula.

Hisaaya 8:13

Si Nahano naaho, ye mukwiriiri ukukizi yoboha, iri munamúyikumba. Mukuba, ye Nahano woꞌbushobozi bwoshi, anali ye Mutaluule bweneene.

Yeremiya 10:10

Kundu kwokwo, Nahano naaho, ye Rurema woꞌkuli. Yehe, ye Rurema úli mugumaana, anali ye mwami weꞌmyaka neꞌmyakuula. Ikyanya ali mu raakara, ikihugo kiri mu yami jugumbana. Yubwo buraakari bwage, ibinyamahanga bitangabuyigenderera.

Yeremiya 5:22

Nahano adetaga kwokuno: «Ku kasiisa, mukwaniini mukizi nzimbaha, munakizi juguma imbere lyani. Si nie nꞌgabiikira inyaaja umushenyu, lube lubibi lwayo! Yulwo lubibi, lunayamiri ho imyaka neꞌmyakuula. Neꞌnyaaja itangalutaluka. Kundu imidunda yangalupukula-pukula, itangalubalala. Na kundu yangakundula, itangalusooka.

Mataayo 10:28

«Mutakizi yoboha ábagweti bagayita amagala, batanashobwiri ukuyita umutima. Si ukuyoboha kwinyu, kukizi ba ku Rurema, bwo yehe ashobwiri ukushereeza amagala noꞌmutima kuguma, byombi binalashwe i nakwere!