Hayubu 12:22 - Kifuliiru

²² Kundu amagambo gangabishama mu kihulu, ali mu gabishuula. Kiri naꞌmabanga, ali mu gabiika ha bweruula.

Hayubu 12:22 ပူးပေါင်းရင်းမြစ်များ

2 Baami 6:12

Muguma wabo anashuvya, ti: «E mwami, nahamwitu, mu kati kiitu, ndaaye úli mu múmenyeesa ishungi zaawe. Haliko, umuleevi Hirisha, waꞌBahisiraheeri, ayamiri ali mu múhwehuka kiri naꞌmagambo gooshi go uli mu deta mu kisiika kyawe kyo uli mu gwejera mwo.»

Hayubu 11:6

Angakumenyesiizi ngiisi kwoꞌbwitegeereze bubishamiri. Mukuba, ubwitegeereze nirizina, buli mu ba bubishamiri bweneene. Yuvwagwa! Kundu Rurema agweti agakuhana buniini, haliko kutali kwa bweneene, nga kwo ukwaniini.

Hayubu 24:17

«Ikyanya buli mu yira, imwabo yo shesheezi. Bali mu yijibana neꞌkihulu, gira bakizi teerana ikyoba.

Hayubu 3:5

Yulwo lusiku, luyizingage mweꞌkihulu kya namudidi. Ikibungu kiiru kilubishe, halinde ikihulu kilubwikire.

Hayubu 34:22

Kiri neꞌkihulu, kundu kyangabiiri kya namudidi, kitangabisha banangora-mabi mu masu gaage.

Zaburi 139:11

Hali ikyanya nangahuuna kwoꞌmulengeerwe úgunzokaniini guhinduke kihulu, kinambishe.

Zaburi 139:12

Kundu kwokwo, imwawe, yikyo kihulu kigaaba nga ndaakyo. Ubushigi bugatanguula imbere lyawe ngiꞌzuuba. Mukuba, imwawe, ikihulu noꞌmulengeerwe, byo biguma.

Zaburi 44:21

E Rurema witu, túkibe tukayibagira iziina lyawe, tunatibitire imweꞌmigisi,

Danyeri 2:22

Íbiri mu kihulu, binabe biki bishirwi, abiyiji-yiji byoshi. Na kundu bibishamiri mu bumbishwa, haliko, ayamiri ali mu bibishuula. Mukuba, yenyene atuuziri mu mulengeerwe.

Hamoosi 5:8

Nahano ye kalema ikiso kyeꞌndonde íkiri mu buuzibwa Kirimya, neꞌHoryoni. Anagweti agalyosa ikihulu, mu kutanguula izuuba. Izuuba nalyo, mu kabigingwe ali mu lihindula kihulu. Kiri naꞌmiiji ga mu nyaaja mbamu, ali mu gakuumania, anashubi gayonera mu kihugo nga nvula. Iziina lyage, ye Nahano!

Mataayo 10:26

«Yabo bandu, hatagire ye mugakizi yoboha! Ngiisi íbibwikiirwi, bigaki bwikuulwa. Na ngiisi íbibishamiri, bigaki bishuulwa.

Luka 1:79

Ee! Kundu twangaba tutuuziri mu kihulu, tunabe tutundamiri mu kimbehwa kyoꞌlufu, haliko agatutanguulira, anaturongoore, halinde tukizi lenga mu njira zoꞌmutuula.»

1 Bakorindo 2:10

Byo na byebyo, byo Rurema keera akatubishuulira, ku njira yoꞌMutima Mweru. Mukuba, Umutima Mweru guli mu gahiriza byoshi, kiri na íbiyifundereziizi mu kati ka Rurema.

1 Bakorindo 4:5

Ku yukwo, mutalunguli twa ulubaaja lwoꞌmundu yeshi. Si mukizi lindira, halinde ku lusiku lwo Nahano agayija kwo. Mukuba, ngiisi íbiki bishirwi mu kihulu, agabitanguulira. Anabishuule na ngiisi byaꞌbandu bashungisiri mu mitima yabo. Ku lwolwo lusiku, iri abandu bangaba bakwaniini ukuhuuzibwa, lyo Rurema agabahuuza.