Hayubu 12:13 - Kifuliiru

¹³ Kundu kwokwo, ubwitegeereze noꞌbushobozi nirizina biri byeꞌmwa Rurema naaho. Ye mu hanuula ku njira nyija, anali mu sobanukirwa.

Hayubu 12:13 ပူးပေါင်းရင်းမြစ်များ

Hayubu 11:6

Angakumenyesiizi ngiisi kwoꞌbwitegeereze bubishamiri. Mukuba, ubwitegeereze nirizina, buli mu ba bubishamiri bweneene. Yuvwagwa! Kundu Rurema agweti agakuhana buniini, haliko kutali kwa bweneene, nga kwo ukwaniini.

Hayubu 12:16

Rurema, ye mwene imisi noꞌbwitegeereze. Abatebani, na ábali mu tebwa, ye mwene bo booshi.

Hayubu 26:12

«Ku bushobozi bwage, akahoohya inyaaja. Na ku buhinga bwage, anavungula Rahaabu, kirya kihuume kyeꞌfwi.

Hayubu 36:5

«Yuvwagwa! Kundu Rurema ye mwene ubushobozi, haliko ndaaye ye ali mu gayiriza. Ye mwene ubushobozi. Neꞌshungi zaage zisikamiri.

Hayubu 38:36

Nyandi úli mu shoboleesa ukukizi tona? Na nyandi úli mu shoboleesa ukusobanukirwa?

Hayubu 9:4

Rurema ali mwitegeereza wa bweneene, anali kikalage. Aaho! Nyandagi ye bakahagana bo naye, atanakomeresibwa?

Zaburi 147:5

Ali mu gingikwa, anali noꞌbushobozi bweneene. Ubwenge bwage, butahiiti ho buhekiiri.

Migani 8:14

Nie nzobanukiirwi, na ndi mu hanuulana, ndi noꞌbwitegeereze, kiri noꞌbushobozi.

Hisaaya 31:2

Kundu kwokwo, Rurema alyagagi mwitegeereza, anali noꞌbushobozi bwoꞌkuhana. Neꞌkyanya ali mu kyula, atali mu yishuhiza. Agweti agahagana na banangora-mabi, anaminike ngiisi ábali mu bayibiika kwo.

Hisaaya 46:10

Ngiisi íbiri mu koleka, nâli mali gwanwa nabimenyeesa ukulyokera ku ndondeko. Kundu bitâli zaazi koleka, haliko, nâli mali gwanwa namùmenyeesa byo. Ngiisi byo njungisiri, byo biri mu koleka. Ee! Ngiisi byo ndoziizi, byebyo, byo ndi mu gira.

Yeremiya 10:12

Nahano ye kabumba ikihugo ku bushobozi bwage. Ye kanakisikamya ku bwitegeereze bwage. Anakoleesa ubwenge bwage mu kuyanuula igulu.

Danyeri 2:20

ti: «Tukizi huuza iziina lya Rurema, halinde imyaka neꞌmyakuula! Mukuba, ye mwene ubwitegeereze noꞌbuhagarusi.

Luka 21:15

Nienyene, ngamùheereza ubwitegeereze, kiri naꞌmagambo go mugaadeta. Kwokwo, lyaꞌbagoma biinyu batalonge ukumùyagiisa, kandi iri ukumùshona kwo.

Barumi 11:34

«Nyandi keera úkamenya inzaliro za Nahano? Kandi iri, nyandi keera úkamúhanuula?

1 Bakorindo 1:24

Kundu kwokwo, imwa ngiisi bo Rurema akahamagala, baba Bayahudi, kandi iri bandu beꞌgindi milala, Kirisito ye bushobozi bwa Rurema, anali ye bwitegeereze bwage.

Bahefeso 1:11

Ngiisi byo Rurema ali mu gira, ali mu gwanwa abishungika. Kwokwo, na nyiitu, akatutoola kwo tube beꞌmwage mu kati ka Kirisito.

Bahefeso 1:8

Anagweti agatugirira amiija bweneene, mu kutuheereza ubwitegeereze bwoshi, halinde tulonge ukusobanukirwa bwija.

Bakolosaayi 2:3

Mukuba, mu kati ka Kirisito, mwo musingwirwi ubwitegeereze bwoshi bwaꞌkahebuuza, noꞌbumenyi bwoshi.

Yakobo 1:5

Muguma winyu, iri angabulirwa noꞌbwitegeereze, akwiriiri abuhuunage imwa Rurema. Na Rurema, agamúheereza bwo. Mukuba, ikyanya Rurema ali mu buhaana, kuli mu ba ku mutima úgushenguusiri, na buzira kukanukirana.