Hayubu 12:10 - Kifuliiru

¹⁰ Si Rurema naaho ye hiiti ubulamu bwa ngiisi kiremwa mu maboko gaage, kuguma noꞌmuuka gwa ngiisi mundu.

Hayubu 12:10 ပူးပေါင်းရင်းမြစ်များ

Ndondeko 2:7

Mu luvu, mwo Nahano Rurema akabumba umushosi, anamúfuuhira umuuka mu mazuulu. Uyo mushosi, anaba kiremwa kigumaana.

Ndondeko 6:17

«Yuvwa! Nienyene, ngaleeta umwijulire gwaꞌmiiji mu kihugo. Kwokwo, lyo ngaminika ibiremwa byoshi íbiri mwiꞌdako liꞌzuuba. Byoshi íbiri mu kihugo, bigayami hera ngana.

Hayubu 27:3

nabiika indahiro kweꞌkyanya ngiri ho na mbe ngiri mu yisa umuuka,

Hayubu 27:8

Si yabo babi, batali noꞌmulangaaliro, kinatume Rurema agabayita nyene.

Hayubu 33:4

Ewe! Umutima gwa Rurema woꞌbushobozi bwoshi, gwo gukandema. Noꞌmuuka gwage, gwanambiika mwoꞌbugumaana.

Zaburi 104:29

Si ikyanya uli mu bihindulira ingoto, biri mu yami yoboha. Ikyanya uli mu bilyosa mwoꞌmuuka, biri mu yami fwa, binashubi hinduka luvu.

Zaburi 104:30

Neꞌkyanya uli mu shubi fuuha umuuka gwawe, binashubi bumbwa. Kwokwo, kweꞌbihyahya biri mu ba ho.

Mwigiriza 9:1

Yibyo byoshi, ikyanya nꞌgabiyitoneesa kwo, nanabonaga kwo Rurema ali noꞌbushobozi hiꞌgulu lyaꞌbitegeereza, yabo ábakwaniini. Ee! Ngiisi byo bali mu gira, biri mu maboko gaage. Kundu kwokwo, ndaaye úyiji iri bangakizi kundwa, kandi iri bangakizi shombwa.

Hisaaya 42:5

Nahano Rurema ye kalema igulu, analiyajuula. Ye kanagangaaza ikihugo na íbikimeziri mwo, ye nali mu heereza abandu baamwo ubugumaana. Kiri neꞌbindi biremwa, Nahano ye mu bibiika mwoꞌmuuka, binabe bigumaana. Nahano adetaga kwokuno:

Hisaaya 57:16

Ndagayama ndi mu mùlega, ndaganakizi mùrakarira. Iri nangagiziri kwokwo, imitima yaꞌbandu yangakengeera yahola, na ndi nie kababumba.

Danyeri 5:23

Si keera ukayikuza, mu kuhagana na Nahano, anali ye tuuziri mwiꞌgulu! Kiri na birya bikombe íbikalyosibwa mu nyumba ya Rurema, wabiyabiira, wanabinywera mweꞌdivaayi mwe naꞌbatwali baawe, na bakaawe, naꞌbandi bakazi baawe beꞌmbuga. «Na kwakundi, wanakizi huuza imigisi, kundu ikatuulwa mu harija, na mu nooro, na mu miringa, na mu byuma. Igindi yâli baajirwi mu biti, na mu mabuye. Wanakizi gihuuza, kundu itali mu bona, itanali mu yuvwa, ndaanakyo kindu kyo iyiji. Utanali mu twaza Rurema, kundu ye fumbiiti ubulamu bwawe mu maboko gaage, ye nayiji ngiisi kwo akushungikiiri.

Muharuuro 16:22

Haliko, Musa na Harooni banagwa buubi, banayamiza, ti: «E Rurema, si we mu tuma abandu booshi bali bagumaana! Aahago! Ka ugayami rakarira abandu booshi, anali mundu muguma naaho ye kakuhubira?»

Yohana 3:6

Abandu, ikyanya bali mu buta, biri ku byaꞌmagala naaho. Halikago, ibyoꞌMutima gwa Rurema byohe, Umutima gwage gwonyene gugweti gugakizi bibuta.

Mikolezi 17:25

Ndaanabyo íbiri mu múgoora, mbu abandu bangamúkolera byo. Si ye mu biika abandu booshi mwoꞌmuuka, halinde babe bagumaana. Ye na gweti úgabaheereza neꞌbindi byoshi.

Mikolezi 17:28

Mukuba, ye tumiri tuli ho, tunali bagumaana, tunali mu yishagania. Biri nga kwo baguma ba mu bandisi biinyu keera bakadeta: “Kiri na nyiitu, tulyagagi baana baage!”