Hayubu 11:19 - Kifuliiru

¹⁹ Neꞌkyanya ugakizi gwejera, utagateerwa noꞌmundu yeshi. Abandu bingi bagakizi yiji kutabaaza.

Hayubu 11:19 ပူးပေါင်းရင်းမြစ်များ

2 Kutondobola 20:30

Uyo Yehoshafaati yehe, Rurema anamúluhuusa imbande zooshi, anatwala mu kati koꞌbutoge.

Hayubu 11:18

Bwo ugaaba ukoli hiiti umulangaaliro, ugaaba ukaniziizi umutima. Ugakizi langwa, iri unakizi luhuuka mu mutuula.

Zaburi 127:2

Abandu, kundu bangazindukiri vyuka kare-kare, banagwejere makeereza mbu lyo bakolera byo bagaalya, bali mu yiluhiza ubusha. Mukuba ngiisi bo Nahano akuuziri, ali mu baheereza byo banaki gwejiiri.

Zaburi 4:8

Keera wanjambaaza bweneene, na ngoli shambiiri ngana-ngana ukuhima abandu ábakayeza ingano nyingi neꞌdivaayi.

Zaburi 45:12

Si ubuyahiri ngana-ngana! Kinatumiri mwami akuhemukiiri. Ku yukwo, ukizi músimbaha. Mukuba, ye yibalo.

Migani 19:6

Abandu bingi bali mu looza babe katoni kaꞌbatwali. Ee! Ikyanya umundu ali mu kizi gabirana, ngiisi mundu ali mu siima kwo abe mwira wage.

Migani 3:24

Ikyanya ugaaba ukoli gwejiiri, utagakizi ki kanguka. Si ugakizi longa iro liija.

Hisaaya 17:2

Kiri noꞌtwaya twa mu mbande zeꞌHaroweri tugaashaka. Ha nyuma, ibibuzi binakizi ragirira mu njira zaatwo. Ndaanaye mundu úwâye bikakaze.

Hisaaya 45:14

Nahano adetaga kwokuno: «Abamiisiri bagaaba bandu baawe, kuguma naꞌBahendyopiya, naꞌBasheeba. Ibindu byabo, we bigayegukira. Bagakizi yija bakushalagiiri nga mbohe ízishwesirwi neꞌmigufu, banakizi kufukamira, iri banadeta: “Ku kasiisa mutuliinwi na Rurema. Ndaanaye gundi úli ho.”»

Hisaaya 60:14

Abagoma biinyu, kundu bâli kizi mùlibuza, halikago, bagakizi yija bagosiri imbere liinyu. Ee! Ngiisi ábâli kizi mùneguraga, leero bagakizi mùfukamira. Bagakizi mùbuuza Kaaya ka Nahano, banamùbuuze Sayuni, kaaya koꞌMutaluule waꞌBahisiraheeri.

Hezekyeri 34:28

«“Batagaki shubi gwatwa imbira neꞌbinyamahanga. Kiri neꞌnyamiishwa, zitagaki shubi bajanganula. Haliko, bakola bagaramba mu mutuula, ndaanaye úgashubi bakakaza.

Balaawi 26:6

«Ngamùleetera umutuula, munakizi gwejera buzira kuyikanga-kanga. Ninamùyimulire inyamiishwa ndangi. Kiri naꞌbagoma, batagakizi yiji mùteera.

Mika 4:4

Si ngiisi mundu agakizi luhuukira mwiꞌdako lyeꞌmizabibu yage, neꞌmizehituuni yage. Ndaakiye mundu úgaki bateera ikyoba. Yaga gooshi, Nahano woꞌbushobozi bwoshi, ye gadesiri.

Sefaniya 3:13

Abahisiraheeri ábagaaba basigiiri, batagaki huba, batagaanaba banabibeesha, bataganaki henderezania. Si bagakizi longa ibyokulya, banagwejere. Ndaanaye mundu úgayiji bateera ikyoba.»

Bwigule 3:9

«Yuvwagwi! Abandu ba mu kiso kya Shetaani bagweti bagabeesha mbu bali Bayahudi. Kundu kwokwo, ngabafukamya imbere liinyu, banayemeere kwo nimùkuuziri.