Hayubu 11:18 - Kifuliiru

¹⁸ Bwo ugaaba ukoli hiiti umulangaaliro, ugaaba ukaniziizi umutima. Ugakizi langwa, iri unakizi luhuuka mu mutuula.

Hayubu 11:18 ပူးပေါင်းရင်းမြစ်များ

Hayubu 11:17

Uburambe bwawe, bugalangashana ukuhima izuuba lya kalenge-renge. Kiri neꞌkihulu, kigatanguula nga mukyo.

Hayubu 11:19

Neꞌkyanya ugakizi gwejera, utagateerwa noꞌmundu yeshi. Abandu bingi bagakizi yiji kutabaaza.

Hayubu 6:11

«Halikago buno, ndaki hiiti imisi yoꞌkugenderera. Na bwo ndahiiti umulangaaliro, kutagi kwo nangalonga ukugooyera?

Hayubu 7:6

Isiku zaani, ziri mu lenga duba-duba, ukuhima umulindi gwoꞌtuti twoꞌkuluka mweꞌmirondo. Ee! Isiku zaani, ziri mu mala duba. Noꞌmulangaaliro, ndaakigwo.

Zaburi 127:2

Abandu, kundu bangazindukiri vyuka kare-kare, banagwejere makeereza mbu lyo bakolera byo bagaalya, bali mu yiluhiza ubusha. Mukuba ngiisi bo Nahano akuuziri, ali mu baheereza byo banaki gwejiiri.

Zaburi 3:5

Ikyanya ndi mu lira imbere lyawe, uli mu njuvya ukulyoka ku mugazi gwawe mutaluule.

Zaburi 4:8

Keera wanjambaaza bweneene, na ngoli shambiiri ngana-ngana ukuhima abandu ábakayeza ingano nyingi neꞌdivaayi.

Zaburi 43:5

E mutima gwani, kituma kikagi ukoli jengiirwi, unakoli shengusiri? Ubiikage umulangaaliro gwawe imwa Rurema. Ye mu ngiza, ye na Rurema wani. Ee ma! Ngaki shubi múyivuga.

Migani 14:32

Banangora-mabi, ikyanya balonga ubuhanya, bali mu tindimazibwa. Si umundu woꞌkuli, kundu angafwa, ali mu longa ubutibitiro.

Bakolosaayi 1:27

Na íbitumiri akalooza ukubabishuulira lyo, gira lyaꞌbandu ba mu mahanga gooshi nabo bamenye ngiisi kwo biri mwoꞌbugale, noꞌbulangashane. Na íbyâli bishamiragi, byo byebi: Kirisito amùkola mwo. Munakola noꞌmulangaaliro kwo mwâye longe ubulangashane.