Hayubu 11:17 - Kifuliiru

¹⁷ Uburambe bwawe, bugalangashana ukuhima izuuba lya kalenge-renge. Kiri neꞌkihulu, kigatanguula nga mukyo.

Hayubu 11:17 ပူးပေါင်းရင်းမြစ်များ

1 Kutondobola 29:10

Ikyanya yabo booshi bâli kuumaniri yaho, mwami Dahudi anatondeera ukuyivuga Nahano kwokuno: «E Nahano, Rurema wa shokuluza witu Hisiraheeri! Uhuuzibwe imyaka neꞌmyakuula.

Hayubu 11:18

Bwo ugaaba ukoli hiiti umulangaaliro, ugaaba ukaniziizi umutima. Ugakizi langwa, iri unakizi luhuuka mu mutuula.

Hayubu 22:26

«Kwokwo, lyo ugamúlegamira, unakizi múshambaalira.

Hayubu 22:28

Kwokwo, ngiisi igambo lyo ugashungika, ligakizi genduukirwa. Ikyanya ukola mu njira, umulengeerwe gugakizi kumolekera.

Hayubu 29:3

Itara lyage lyâli kizi mmolekera. Kundu nâli riiri mu kihulu, haliko nanakizi genda mu mulengeerwe gwalyo.

Zaburi 112:4

Yabo bandu boꞌkuli, kundu bangaba bakola mu kihulu, haliko, umulengeerwe gugakizi batanguulira. Bagweti bagakizi tabaalana, banali mu gashanirana, banali mu yuvwiranwa indengeerwa.

Zaburi 37:6

Agaagira ukuli kwawe kukizi tanguula nga lukula. Neꞌkyanya ugaatwa ulubaaja, ugakizi langashana ngiꞌzuuba lya kalenge-renge.

Zaburi 92:14

Ee ma! Bali mu ba, nga myerezi mibyale mu nyumba ya Nahano. Yabo, bagakizi gangaala bwija mu lubuga lweꞌnyumba ya Rurema witu.

Zaburi 97:11

Ngiisi ábakwaniini, umulengeerwe guli mu kizi batanguulira. Bwo bagweti bagaagira íbikwaniini, bayamiri bashambiiri.

Migani 4:18

Imikolezi ya ábakwaniini, iri nga lukula. Umulengeerwe gwayo, guli mu kizi genderera ukuyaka, halinde izuuba linatanguule.

Hosheya 6:3

«Emwe! Bwangaba bwija tulongage ukumenya Nahano nga ngiisi kwo ali. Ee! Tukizi gira umwete bweneene, halinde tumúmenye bwija. Na kwo kali kasiisa kwiꞌzuuba liri mu kizi huluka, kiri neꞌnvula iri mu bombeesa idaho ku mahona-nvula, kwo kanalyagagi kasiisa kwo agatushuvya.»