Hayubu 11:16 - Kifuliiru

¹⁶ Haaho, ugayibagira amakuba gaawe gooshi, si gagakizi ba nga migezi keera íkalenga.

Hayubu 11:16 ပူးပေါင်းရင်းမြစ်များ

Ndondeko 41:51

Mugala wage weꞌfula, anamúyinika iziina Manaasi, ti: «Rurema keera anyibagiza amalibu gaani gooshi, anyibagiza kiri neꞌmbaga ya daata.»

Ndondeko 9:11

«Yikyo kihango, kyo kyekino: Ndâye ki shereeze íkiyimbwa kiremwa ku njira yoꞌmwijulire. Hatanâye ki be ugundi mwijulire gwoꞌkushereeza ikihugo.»

Hayubu 22:11

Uli mu zingwa neꞌkihulu, halinde utanaki bone kindu. Neꞌmigezi yaꞌmiiji ikufuliiri.

Hayubu 6:15

E biira baani, si mugweti mugandeba naaho! Mulyagagi nga lwiji úluli mu yijulira,

Migani 31:7

Mubaleke bakizi nywa, halinde bayibagire ubukeni bwabo, batanakizi ki kengeera amalibu gaabo.

Hisaaya 54:4

Utayobohe, utanavunike indege! Mukuba, utâye ki yagagale, kandi iri kugayirizibwa. Kundu ukateezibwa ishoni mu busore bwawe, yibyo byoshi, ukola ugabiyibagira. Na kundu ukahonyolezibwa bweneene, mbu bwo ulyagagi namufwiri, birya byoshi, utâye ki bikengeere.

Hisaaya 54:9

«Ku kyanya kya Nuhu, nꞌgabiikaga indahiro, kwo ndâye ki bindikire ikihugo ku miiji goꞌmwijulire. Kwo na kwokwo buno, ndi mu shubi biika indahiro, kwo ndâye ki kurakarire, kandi iri kukukambira.»

Hisaaya 65:16

Ikyanya abandu bagalooza ukugashanirana, bagakizi koleesa iziina lya Rurema woꞌkuli. Neꞌkyanya bagakizi biika indahiro, bagakizi koleesa lyeryo iziina. Amalibu gaabo ga keera, gagaaba keera gayibagirwa. Nienyene ngagalyosa lwoshi-lwoshi.

Yohana 16:21

«Kiri noꞌmukazi, ikyanya akola agaabuta, ali mu liibwa noꞌmukero, bweꞌkyanya kyage kyahikaga. Kundu kwokwo, ikyanya ali mu ba keera abuta, yugwo mukero, ali mu yami guyibagira, bwo ali mu ba keera abuta umwana mu kihugo, anabe akola mu yuvwa amalega naaho.