Hayubu 11:13 - Kifuliiru

¹³ «E Hayubu, ukwaniini usikiirize umutima gwawe imwa Rurema, unalengeze amaboko gaawe, mu kumúhuuna.

Hayubu 11:13 ပူးပေါင်းရင်းမြစ်များ

2 Kutondobola 12:14

Kundu kwokwo, uyo Rehobwamu átâli kizi looza Nahano ku mutima gwage gwoshi, anagenderera ukugira amabi imbere lyage.

2 Kutondobola 19:3

Kundu kwokwo, ukagira bwija, mu kulyosa inguliro zoꞌmuzimu Hasheera. Wanayihangaana bweneene, mu kulooza Rurema ku mutima úgushenguusiri.»

Hayubu 15:12

«Aahago! Biki íbyakuraakaza? Na kituma kiki ugweti ugafutulira Rurema amasu?

Hayubu 22:23

«Iri wangagalukira Rurema woꞌbushobozi bwoshi, ugashubi gashaanirwa. Ku yukwo, uyeruuse inyumba yawe.

Hayubu 22:27

Ugakizi múhuuna, anakuyuvwirize. Ngiisi byo ukamúlagaania, ukizi múgirira byo.

Hayubu 5:17

«Bahiriirwi, ngiisi bo Rurema woꞌBushobozi Bwoshi ali mu yerekeza. Ku yukwo naawe, ikyanya ali mu kuyerekeza, utamúgayirize.

Hayubu 5:8

«Íngibe nie wehe, njuba ngatabaaza Rurema. Igoorwa lyani, Rurema ye nangalilubuliiri.

Zaburi 143:6

Kwokwo, ndi mu tega amaboko gaani imbere lyawe. Umutima gwani gukoli nyotiirwi, ngiꞌdaho íryabula amiiji.

Zaburi 68:31

Haliko, abagoma ábatuuziri i mahanga boohe, ubakanukire. Si balyagagi nga nyamiishwa ízituuziri mu masanga! Bali nga shuuli ndangi mu kati keꞌnyana. Kundu basiimiri ukukizi gira izibo, ubashaabule. Ubatindimaze, halinde bakizi kuramburira.

Zaburi 77:2

Ikyanya nâli riiri mu makuba, nâli kizi tabaaza Nahano Rurema. Kwokwo, nanamúlirira kwiꞌzu lihamu. Nanamala ubushigi bwoshi, nimúlambuliiri amaboko gaani. Kundu kwokwo, umutima gwani gwanalahira, mbu gutaholeezibwe.

Zaburi 78:8

Batanabe balangi, nga bashokuluza baabo. Mukuba, boohe bâli kizi huna. Imitima yabo itâli tungiini imbere lya Rurema, batanâli kizi ba bemeera imbere lyage.

Zaburi 88:9

Keera ukahanguula abiira baani kwo banyihandule kwo, na ngolaga kyagaza imwabo. Ngoli fyedesirwi, ndanaki hiiti ubulyo bwoꞌkufuushuka.

Kulyoka 9:29

Musa naye, ti: «Ikyanya ngaahika inyuma lyaꞌkaaya, ngagolola amaboko gaani hiꞌgulu, mu kuhuuna Nahano. Haaho, lyeꞌmikungulo igayami yimanga. Kiri noꞌlugungu nalwo, lugaaba ndaakilwo. Kwokwo, lyo ugalonga ukumenya kweꞌkihugo kiri kya Nahano.

Kimombo 3:41

Tukizi gololera amaboko giitu imwa Rurema úli mwiꞌgulu, iri tunamútabaaza ku mitima yitu yoshi kwokuno:

Luka 12:47

«Umukozi, iri angaba akoli yiji ubulooze bwa nahamwabo, atanabugire, agashulikwa ingoni nyingi.

1 Samweri 7:3

Ku yikyo kyanya, Samweri anabwira Abahisiraheeri booshi kwokuno: «Iri mwangaba muloziizi ukugalukira Nahano ku mitima yinyu yoshi, mukwaniini mutwikire ku bindi íbiri mu yikumbwa, na ku mugisi Hashitarooti. Munakulikire Nahano ku mutima úgushenguusiri. Yehe naaho, abe ye mugakizi kolera. Iri mwangagira kwokwo, lyoki agamùkiza mu maboko gaꞌBafirisiti.»