Hayubu 10:3 - Kifuliiru

³ Ikyanya uli mu ndibuza, uli mu yunguka biki? Kituma kiki uli mu ndahira, na wenyene we kambumba? Si banangora-mabi boohe, ikyanya bali mu gira igambi libi, uli mu siima!

Hayubu 10:3 ပူးပေါင်းရင်းမြစ်များ

Hayubu 10:8

«“Yago maboko gaawe, go gakandema. Kundu kwokwo, buno, ukola mu njereeza lwoshi-lwoshi.

Hayubu 14:15

Lyoki, wangambamagala, na nyitabe, unabe usiimiri bweneene ukumbona, nie kiremwa kyawe.

Hayubu 15:13

Kituma kiki ugweti ugamúrakarira ku magambo mwene yago? Na kituma kiki gali mu folomboka mu kanwa kaawe?

Hayubu 16:11

Rurema keera ambiika mu maboko gaꞌbanabyaha, banali banangora-mabi.

Hayubu 19:6

Munamenyage kwo Rurema yenyene ye kambubira, anangwasa mu lushenga lwage.

Hayubu 21:16

Yabo banangora-mabi, batoniragi kwo bo batumiri bagendukiirwi. Kundu kwokwo, imitono yabo itali yo miguma neꞌyeꞌmwani.

Hayubu 22:18

Kundu kwokwo, yoyo Rurema ye kayijuza inyumba zaabo mwoꞌbugale. Ku yukwo, yabo babi, ndagabayibiika kwo.

Hayubu 27:2

«Ngiisi íbingwaniini, Rurema woꞌbushobozi bwoshi, ye kabinjaagiza, ye na tumiri umutima gwani gukola mwoꞌbululu. Aahago! Nga kwo Rurema alyagagi ho,

Hayubu 30:21

Keera wanyihindulira, utanakiri mu ngejeerera. Si ugweti ugakoleesa ubushobozi bwawe, mu kukizi ndibuza!

Hayubu 31:15

Si ye katubumba tweshi naꞌbakozi baani! Ye katulema tweshi mu nda za bamaawe.

Hayubu 33:4

Ewe! Umutima gwa Rurema woꞌbushobozi bwoshi, gwo gukandema. Noꞌmuuka gwage, gwanambiika mwoꞌbugumaana.

Hayubu 40:2

«Ka ugagenderera ukumbaliiza, nie Rurema woꞌbushobozi bwoshi? Si ugweti ugambaliiza, na ndi nie Rurema nienyene! Aahago! Ngiisi byo ngakubuuza, ubishuvye.»

Hayubu 40:8

Aahago! Ka uloziizi ukudeta kwo ndi mu twa imaaja ku njira ítali nga yo? Ka uloziizi ukubonesa kwo ndi munabuhube, gira lyo naawe uyiyerekane kwo ukwaniini?

Hayubu 8:20

«Kwokwo, yuvwagwa! Iri umundu angatuula mu kati koꞌkuli, Rurema atangagira mbu ayami múlahira. Si banangora-mabi boohe, atangabatabaala.

Hayubu 9:22

Ewe! Si byoshi biryagagi byo biguma! Kyo kitumiri nadeta kwokuno: “Kundu nangabiiri ngwaniini, kandi iri ndi nangora-mabi, Rurema ali mu shereeza booshi.”

Hayubu 9:24

Neꞌkyanya ikihugo kiri mu biikwa mu maboko ga banangora-mabi, Rurema ali mu ziba amasu gaꞌbatwi beꞌmaaja. Aaho! Ákibe atali ye mu gira kwokwo, iri nyandagi gundi úli mu kugira?

Zaburi 100:3

Mumenye kwo Nahano ye Rurema. Ye katubumba, tunali beꞌmwage. Ee! Tuli bandu baage, tunali nga bibuzi bya mu ndagiriro yage.

Zaburi 138:8

E Nahano, urukundo lwawe luyamiri ho, halinde imyaka neꞌmyakuula. Ku yukwo, ngiisi byo keera ukatondeera, utagabileka, mbu biyiji fwa ubusha. Aaho! Ngiisi byo ukanjungikira, ubingolerage, we kongwa!

Zaburi 69:33

Abakeni, ikyanya bagaabona kwokwo, bagasiima. Kwokwo, mwe muli mu looza Rurema, mukizi shambaala.

Hisaaya 64:8

Aahago! Utagenderere ukukizi turakarira. Utakizi kengeera amabi giitu, bwo tweshi tuli bandu baawe! Utukejeerere, maashi!

1 Peturu 4:19

Kwokwo, iri abandu bangalibuzibwa ukukulikirana noꞌbulooze bwa Rurema, bakwiriiri bayihangaane mu kukizi gira amiija. Banayisikiirize mu maboko gaage. Mukuba, ye kababumba, anali mwemeera.