Hayubu 1:3 - Kifuliiru

³ Uyo Hayubu âli mugale bweneene, weꞌbibuzi bihumbi birinda, neꞌngamiya bihumbi bishatu, neꞌngaavu kihumbi, naꞌmabuguma ga bapunda magana gataanu, naꞌbakozi bingi bweneene. Ye wâli mugangambale, ukuhima abandi booshi ba mu mbande zeꞌsheere.

Hayubu 1:3 ပူးပေါင်းရင်းမြစ်များ

Ndondeko 12:16

mwami weꞌMiisiri anagirira Hiburamu amiija hiꞌgulu lya mukaage. Anamúheereza ibibuzi, neꞌmbene, neꞌngaavu, na bapunda, inviizi naꞌmabuguma, neꞌngamiya, kiri naꞌbaja, naꞌbaja-kazi.

Ndondeko 12:5

Kwokwo, Hiburamu anayabiira mukaage Sarayi, na Luutu mugala wa mwene wabo Harani. Anayabiira naꞌbaja baage bo akagula iyo munda i Harani, neꞌbindu byoshi byo akalonga yo. Yibyo byoshi, anabigendana mu kihugo kyeꞌKaanani. Iri Hiburamu neꞌyo mbaga yage bakahika i Kaanani,

Ndondeko 13:6

Emwe! Ibindu byabo, kâli kola kandaharuurwa, halinde bitanaki ziga kwo bashumbike kuguma. Kiri neꞌndagiriro zâli mali niiha.

Ndondeko 24:35

Noꞌyo Hiburahimu, Rurema keera akamúgashaanira, anakola mugale bweneene. Keera Nahano akamúheereza inguuli zeꞌbibuzi, na zeꞌmbene, na zeꞌngaavu, kiri neꞌnguuli zeꞌngamiya, neꞌza bapunda. Na kwakundi, keera akalonga inooro nyingi, neꞌharija, kuguma naꞌbakozi, abashosi naꞌbakazi.

Ndondeko 25:6

Si abaana baꞌbandi bakaage, ku kyanya âli ki riiri ho, anatee bagabira ibyeꞌmwabo, abuli bahandula ku mugala wage wa Hisake, anabatuma hala mu mahanga goꞌluhande lweꞌsheere.

Ndondeko 29:1

Yakobo, anagenderera noꞌlugeezi, anahulukira mu bihugo íbiri uluhande lweꞌsheere.

Ndondeko 32:14

Yubwo bushigi, Yakobo analaala yaho. Na mu bitugwa byage, anahandula mwo byo agatengula mukulu wage wa Hesahu.

Ndondeko 34:23

Aahago! Iri twayemeera, birya bitugwa byabo bigaaba byeꞌmwitu, kuguma neꞌbindi byabo byoshi.»

2 Samweri 12:2

Uyo mugale âli hiiti ulukuuli luhamu lweꞌbibuzi, noꞌbuso bweꞌngaavu.

2 Baami 15:20

Uyo Menahemu, mu kulonga yizo harija, akafyetereza Abahisiraheeri mu kukizi barambuliisa ibingorongoro makumi gataanu-gataanu byeꞌharija ku ngiisi mugale. Uyo Puuli atanaki beera mu kihugo kyeꞌHisiraheeri, anagalukira imwabo.

2 Baami 3:4

Mu kihugo kyeꞌMohabu, Mesha âli riiri mwami, anâli riiri mutuuzi weꞌbibuzi. Ngiisi mwaka âli kizi rambulira imwa mwami waꞌBahisiraheeri ibyanabuzi bihumbi igana, kuguma noꞌbwoya bweꞌbindi bibuzi bihumbi igana.

1 Kutondobola 27:30

Hobiiri, Umuhishimaheeri, ye wâli yimangiiri ingamiya. Yedeya, weꞌMeronooti, ye wâli yimangiiri amabuguma ga bapunda.

2 Kutondobola 26:10

Anayubaka izindi nyingo mwiꞌshamba, anahumba mweꞌbirigo bingi byaꞌmiiji. Mukuba, âli hiiti inguuli zeꞌngaavu mu tugangazi, na mu ndekeera. Na kwakundi, anakoleesa abakozi boꞌkumúhingira, na boꞌkumúlangira indalo zaage zeꞌmizabibu mu tugangazi, na áhali inagiira. Emwe! Mwami Huziya âli mulimi ngana-ngana.

2 Kutondobola 32:29

Anayubaka utwaya twingi, anaba mutuuzi weꞌnguuli zeꞌngaavu, kiri neꞌbibuzi, neꞌmbene. Rurema akamúgaza ngana-ngana.

Hayubu 1:10

Si we mu múkingira imbande zooshi, kuguma neꞌmbaga yage, na ngiisi byo agweti! Keera ukamúgashaanira mu byoshi byo ali mu gira. Lolaga ngiisi kweꞌbitugwa byage biyondolosiri mu kihugo.

Hayubu 1:4

Yabo bagala Hayubu bâli kizi gira ulusiku lukulu, mu kukizi kuumana mu ngiisi nyumba, ukukulikirana na kwo bâli londiini. Banakizi laalika yabo baali baabo bashatu, kwo bakizi yiji shangiira ibyokulya, banakizi nywa kuguma.

Hayubu 21:28

Mwehe, mugweti mugabuuza mbu: “Yabo bagale, inyumba zaabo, ziri hayi? Si zitakiri ho, hiꞌgulu lyeꞌbyaha byabo!”

Hayubu 29:25

Bwo nâli riiri kirongoozi kyabo, nâli kizi bayereka byo bagaagira. Nâli tuuziri mu kati kaabo, nga mwami mu basirikaani baage. Neꞌkyanya bakahanyagala, nanakizi baholeeza.»

Hayubu 31:25

Na kundu nangaba keera nꞌgalonga akanyamwala keꞌbindu, mu kukoleesa amaboko gaani, haliko, ndangashambaala hiꞌgulu lyabyo.

Hayubu 31:37

Nangamenyesiizi Rurema ngiisi kwo nꞌgagira. Nangayija imwage, nga muluzi imbere lya mwami.

Hayubu 42:10

Uyo Hayubu, iri akaba keera ahuunira biira baage, Nahano anamúgalulira ibindu byage byoshi, nga kwo âli bihiiti ubwa mbere. Ee! Anamúheereza ubugira kabiri kaabyo.

Hayubu 42:12

Uyo Hayubu, mu kihande kya kabiri kyoꞌburambe bwage, Nahano anamúgashaanira ingingwe bweneene, kiri ukuhima kwo âli múgashaniiri ubwa mbere, anaba akola neꞌbibuzi bihumbi ikumi na bina, neꞌngamiya bihumbi ndatu, neꞌngaavu bihumbi bibiri, naꞌmabuguma ga bapunda kihumbi.

Migani 10:22

Ikyanya Nahano ali mu tugashaanira, tuli mu gala. Atanali mu yushuula ubugale bwitu kwaꞌmalibu.

Yeremiya 49:28

Mwami Nebukandeneza weꞌBabeeri akahima beene Kedaari. Kiri neꞌbihugo byeꞌHazoori âli bitwaziri. Yibyo bihugo, Nahano adetaga hiꞌgulu lyabyo kwokuno: «Yabo bandu beꞌKedaari, batuuziri uluhande lweꞌsheere. Aaho! Mugendi bateera, munabazimiize.

Muharuuro 23:7

Ulya Balaamu anatangaga yubu buleevi: «Mwami Balaaki andumira, njaage i Haraamu, na nyije hano. Ee! Bwo ye mwami weꞌMohabu, andumira ukulyoka mu migazi yeꞌsheere. Anambwira: “Yijaga, undaakire beene Yakobo. Ee! Uyiji daaka Abahisiraheeri.”

Batwi beꞌmaaja 6:3

Abahisiraheeri, ikyanya bâli kizi byala indalo, abanyazi banakizi yiji bateera. Yabo banyazi, bâli lyosiri mu Bamidyani, na mu Bahamareki, na mu bandi bandu ábâli lyosiri uluhande lweꞌsheere.

Batwi beꞌmaaja 6:5

Bâli kizi yija kizimya-izuuba kyaꞌbandu, kuguma neꞌngaavu zaabo, neꞌngamiya zaabo. Ngiisi ho bâli kizi shumbika mu kihugo, bâli kizi luga bweneene, ngaꞌkandaharuurwa keꞌnzige, banayami sivya ikihugo kyoshi.

Batwi beꞌmaaja 7:12

Abasirikaani baꞌBamidyani, naꞌBahamareki, kuguma naꞌbandi ábâli tuuziri uluhande lweꞌsheere, booshi bâli shumbisiri mwiꞌyo ndekeera, banâli riiri kanyegete, nga nzige. Kiri neꞌngamiya zaabo, zâli riiri kandaharuurwa, nga mushenyu kwiꞌbuga.

Batwi beꞌmaaja 8:10

Ku yikyo kyanya, Zeeba na Salumuna bâli mali hika i Karikoori. Bâli koli sigiriini naꞌbasirikaani bihumbi ikumi na bitaanu. Mukuba, ikyanya bakalyoka isheere, bâli mali minikwa mweꞌbihumbi igana na makumi gabiri.

1 Samweri 25:2

Neꞌyo munda, yâli tuuziri mugale muguma, iziina lyage Nabaali, mwene Kalebu. Uyo mundu âli tuuziri ibibuzi bihumbi bishatu, neꞌmbene kihumbi. Âli gweti agabikema ubwoya mu kaaya keꞌKarimeeri. Uyo Nabaali, mukaage ye wâli Habigahiri. Âli riiri mukazi mwitegeereza, anâli nonosiri bweneene. Si Nabaali yehe, âli riiri mudali-daali, anâli ngunge.

1 Samweri 27:9

Ikyanya Dahudi âli kizi teera utwaya tweꞌyo munda, anayami yita abandu booshi, abashosi naꞌbakazi. Haliko, anashahule ibibuzi neꞌngaavu, na bapunda, neꞌngamiya, neꞌbyambalwa. Abuli galukira imwa Hakishi.