Hayubu 1:11 - Kifuliiru

¹¹ Aahago! Wangatee golola ukuboko kwawe, unayabiirage byoshi byo ahiiti, lyo ugaabona ngiisi kwo agakutuka.»

Hayubu 1:11 ပူးပေါင်းရင်းမြစ်များ

Ndondeko 26:11

Uyo Habimereki anayerekeza abandu baage, ti: «Ngiisi úgaahuma ku Hisake, kandi iri ku mukaage, agayami yitwa.»

Hayubu 1:12

Nahano, ti: «Ngahwe! Yibyo bindu byage, ugendi bigira nga ngiisi kwo uloziizi. Si yenyene, utamúhume kwo!» Haaho, Shetaani anashaaga imbere lya Nahano.

Hayubu 1:21

«Nꞌgayija mu kihugo, ndi bukondwe. Na mu kulyoka mwo, ngagenda ndi bukondwe. Ngiisi byo nâli hiiti, Nahano ye kabimbeereza. Ye wanashubi binyaga. Ee! Iziina lya Nahano, likizi huuzibwa.»

Hayubu 1:5

Yizo siku ngulu, ikyanya zâli kizi ba keera zamala, Hayubu anakizi hamagala yabo baana baage, gira abayeruuse. Mukuba, âli kizi tona, ti: «Ngeeka abaana baani bangaba keera bakola ikyaha, banatuke Rurema mu mitima yabo.» Kwokwo, anakizi zindukiri vyuka shesheezi kare-kare, anatange ituulo lyoꞌkusiriiza hiꞌgulu lya ngiisi muguma wabo.

Hayubu 19:21

«E biira baani, munyuvwirwe indengeerwa maashi! Munyuvwirwe indengeerwa. Si Rurema keera akandumuula uluhi.

Hayubu 2:3

Nahano anashubi múbuuza: «Aahago! Ka wayitegeereza bwija umukozi wani Hayubu? Mu bihugo byoshi, ndaaye gundi úli mwija nga ye. Âli mu kizi yiyeka neꞌbyaha, buzira kubiyifunda mwo. Atungiini imbere lyani, anayamiri anzimbahiri. Na kundu keera wambidika kwo nimúhoole ubusha, haliko aki tuuziri mwemeera imbere lyani.»

Hayubu 2:5

Aahago! Utee huma naaho ku magala gaage, agayami kutuka ngana.»

Hayubu 2:6

Nahano, ti: «Bwija! Wangakoli múlibuza nga ngiisi kwo uloziizi. Si utakolwe kwo wamúyita.»

Hayubu 2:7

Kwokwo, Shetaani anashaaga imbere lya Nahano, anagendi fuka Hayubu kwoꞌlungemba lukayu, ukushaagira ku shando, halinde kwiꞌtwe.

Hayubu 2:9

Mukaage anayiji múbwira, ti: «E yaga, ka uki gagiiri ukutungaana imbere lya Rurema? Giraga ngana ushaahuze Rurema, gira uyifwire.»

Hayubu 4:5

Si wehe, ikyanya walonga amakuba, wanayami vunika umutima. Yago makuba, bwo naawe gakuhuma kwo, wanayami yoboha.

Zaburi 105:15

«Yaba batoolwa baani, mutakolwe mbu mukizi balibuza. Mutanagirire abaleevi baani ubuligo.»

Hisaaya 5:25

Nahano akoli rakariiri abandu baage, anakoli bangwiri ukuboko kwage, gira abahane. Kiri neꞌmigazi ikoli gweti igajugumbana. Neꞌbirunda bikoli luuzirwi mu njira ngiꞌjolera. Kundu kwokwo, ubute bwa Nahano buki yasiri. Akoli bangwiri ukuboko kwage, gira ahaniirize abandu baage.

Hisaaya 65:3

Bali mu ngyokola bweneene ubwakya-ubwayira. Bali mu shiiba mu ndalo zaabo bagweti bagayikumba imigisi. Banakizi giyokera umubadu ku tutanda tuyubake naꞌmatafaari.

Hisaaya 8:21

Abandu bagakizi jeba-jeba mu kihugo, bakoli jengiirwi, banakoli shalisiri. Kinatume bagakizi konolera amasu mwiꞌgulu ku buraakari, banakizi daaka umwami wabo, kiri na Rurema wabo yenyene.

Zakariya 2:8

Kwokwo, ulya muganda úwâli kizi nganuuza anabwira uwabo, ti: «Ukwabaduke, ugendi bwira guliira musore úgufumbiiti umugozi gwoꞌkugera: “Yako kaaya keꞌYerusaleemu, kagaaba kataki zungulusirwi neꞌnzitiro. Kagaki yijula mwaꞌbandu neꞌbitugwa, halinde abandu bataganaki kwirwa mwo. Ee! Bandu bingi bakola bagatuula inyuma lyeꞌnzitiro zaako.”

Bwigule 12:10

nanayuvwa mwiꞌgulu mwayiberekaania izu. Lyanadeta: «Buno, Rurema akolaga mu tukiza! Noꞌbwami bwage, keera bwayija mu kati koꞌbushobozi bwage. Kirisito wage, ye koli twaziri. Mukuba, ulya úwâli gweti úgaalega beene witu imbere lya Rurema úbwakya-úbwayira keera avugumulwa haashi.

Bwigule 16:11

Kundu kwokwo, batanatwikira ku byaha byabo. Na bwo bâli kola neꞌbirole, banatondeera ukutuka Rurema úli mwiꞌgulu. Mukuba, byâli kizi jamula!

Bwigule 16:21

Mwiꞌgulu, mwanavuduka amabuye mahamu goꞌlugungu. Yago mabuye, gâli riiri noꞌbuzito nga bwa bilo makumi gana. Neꞌkyanya yago mabuye goꞌlugungu gâli kizi yideedeka ku bandu, banakizi tuka Rurema. Mukuba, yago malibu, gakabayogogoza bweneene!

Bwigule 16:9

Kyanatuma abandu bagahiira ngana neꞌndugumbo yalyo. Kundu kwokwo, yabo bandu batanatwikira ku byaha byabo, mbu bahuuze Rurema. Halikago, banatondeera ukutuka iziina lyage. Mukuba, yago malibu, ye wâli noꞌbushobozi bwoꞌkugahamuliza.