Hamoosi 9:15 - Kifuliiru

¹⁵ Ngashubi basikamya mu kyekyo kihugo kyabo, banagangaale mwo. Si keera nabaheereza kyo, batanâye ki simuulwe mwo.» Kwokwo, kwo Rurema Nahamwinyu adesiri.

Hamoosi 9:15 ပူးပေါင်းရင်းမြစ်များ

Zaburi 44:2

E Rurema, bashokuluza biitu bakatuganuulira ngiisi kwo wâli kizi bagirira ku kyanya kyabo. Yago magambo gooshi, keera tukagayiyuvwirwa.

Zaburi 80:8

E Rurema woꞌbushobozi bwoshi, utugalulire imwawe. Utuyerekage ubwija bwawe, halinde lyo tukizibwa.

Hisaaya 60:21

«Mweshi mugakizi gira íbikwaniini, munahyane ikihugo imyaka neꞌmyakuula! Mugaaba ishibwe lyo nꞌgayibyalira. Mukuba, nꞌgamùbumba naꞌmaboko gaani, gira mukizi mbuuza.

Yeremiya 16:15

Si bagakizi deta: “Nga kwo Nahano ayamiri ho, ulya úkalyosa Abahisiraheeri mu bihugo byeꞌmbembe, ngiisi ho bâli shabukiiri mu mahanga.” Lyeryo, ngashubi bagalulira mu kihugo kyabo, kirya nâli mali gwanwa naheereza bashokuluza baabo.» Kwokwo, kwo Nahano adesiri.

Yeremiya 24:6

Yabo bandu, amasu gaani gayamiri gabali kwo. Na ha nyuma, ngabagalulira hano, na mbayubake. Ndaanaye úgashubi bashaabula. Ngaaba mbabyaziri, ndaganashubi bashikula.

Yeremiya 3:18

Mu yizo siku, Abayuda baganywana naꞌBahisiraheeri. Booshi banalyokage mu kihugo íkiri imbembe, banagalukire mu kihugo kyo nꞌgaheereza bashokuluza baabo.»

Yeremiya 32:15

Mukuba, Nahano woꞌbushobozi, Rurema waꞌBahisiraheeri, adetaga na kwokuno: Mu kino kihugo, abandu bâye ki shubi gula mweꞌnyumba, kiri neꞌndalo zeꞌmizabibu, kuguma neꞌzindi ndalo.”

Yeremiya 32:37

Nâli rakariiri Abahisiraheeri bweneene, nanabashabulira mu mahanga. Kundu kwokwo, ngola ngabagalula, halinde bashubi tuula mu kano kaaya, banakizi longa mwoꞌmutuula.

Yeremiya 32:41

Yukwo kugenduukirwa kwabo, kugakizi njambaaza. Ku kasiisa mu kino kihugo, ngashubi babyala mwo, halinde banagenduukirwe.»

Yeremiya 33:7

Ee! Balya Bayuda naꞌBahisiraheeri, kundu bâli twazirwi imbohe, ngashubi bagalula. Na njubi basikamya, halinde banabe nga kwo bâli tuula kare.

Hezekyeri 34:28

«“Batagaki shubi gwatwa imbira neꞌbinyamahanga. Kiri neꞌnyamiishwa, zitagaki shubi bajanganula. Haliko, bakola bagaramba mu mutuula, ndaanaye úgashubi bakakaza.

Hezekyeri 37:21

Unababwire kwo nie Rurema Nahamwinyu nadetaga kwokuno: Yabo Bahisiraheeri, bakoli tuuziri i mahanga. Kundu bakatwalwa yo, haliko, ngabalyosa yo, na mbakumanize kuguma, halinde banagalukire mu kihugo kyabo.

Hezekyeri 37:25

Bagabeera mu kihugo kya bashokuluza baabo, kirya kyo nꞌgaheereza Yakobo. Baganatuula yo, kuguma naꞌbaana baabo, kiri naꞌbijukulu, halinde imyaka neꞌmyakuula. Umwami wabo, ye mukozi wani Dahudi, halinde imyaka neꞌmyakuula.

Mika 4:4

Si ngiisi mundu agakizi luhuukira mwiꞌdako lyeꞌmizabibu yage, neꞌmizehituuni yage. Ndaakiye mundu úgaki bateera ikyoba. Yaga gooshi, Nahano woꞌbushobozi bwoshi, ye gadesiri.