Hamoosi 8:10 - Kifuliiru

¹⁰ Isiku ziinyu ngulu, ngazihindula, zibe za kigandaaro. Na kundu muli mu yimba ku kisegengo, halikago mukola mugaalira ku kimombo. Mugayambala ibyambalwa byeꞌkigandaaro. Na bwo mugaaba mukoli jengiirwi, mugakunguula amatwe giinyu. Ku yikyo kigandaaro, mugaaba nga úwafwirwa neꞌkininga. Ulusiku lwoꞌkushibuuka, mugajengeerwa ngana-ngana!»

Hamoosi 8:10 ပူးပေါင်းရင်းမြစ်များ

Ndondeko 21:16

Anagendi yisunga nga ku meetere igana, iri anayidesa: «Yayewe! Uyu mwana wani, ndaloziizi ukubona kwo agaafwa.» Ikyanya âli koli jondamiri yaho, anatulikira mu malira.

Hayubu 20:23

Ikyanya bagaaba bakiri mu yihahala, mbu lyo bahaaza amabunda, Rurema agabarakarira bweneene. Agakizi batumuula imbi, zinabahone kwo nga nvula.

Hayubu 3:5

Yulwo lusiku, luyizingage mweꞌkihulu kya namudidi. Ikibungu kiiru kilubishe, halinde ikihulu kilubwikire.

Hayubu 30:31

Ululanga lwani, ngweti ngalulasa naaho kweꞌnyimbo zoꞌkuyiganyira. Neꞌfirimbi yani, ndi mu gilasa kweꞌnyimbo zoꞌkugongeera.»

Hisaaya 3:24

Ho bangakizi huumura amalaasi, bagakizi baya akatuuru. Na ho bangabiiri bayambiiti umukaba mwija, bagakizi shweka umugozi. Na ho bangabiiri bashanuziizi umushaku bwija, bagakizi mwebwa imbala. Na ho bangabiiri bayambiiti imirondo yoꞌmulimbo, bagakizi yambala amasuuzu. Na ho bangabiiri banonosiri bweneene, bagasigala batetiirwi neꞌshoni.

Yeremiya 2:19

Aahago! Keera mukabihuuka, munakoli ba banangora-mabi. Kwokwo, mukolaga mugaahanwa, gira mulonge ukuyiga. Kundu nie Rurema Nahamwinyu, si keera mukanjanda, mutanaki nzimbahiri. Kyo kitumiri mukayikululira ubuhanya, mwanayingira mu makuba. Kwokwo, kwo nie Rurema Nahamwinyu woꞌbushobozi bwoshi ndesiri.

Yeremiya 48:37

Yabo bandu, mu kuyerekana kwo bajengiirwi, keera bakakunguulwa umushaku ku matwe, kiri neꞌnyanwa. Keera banashaakirwa ku maboko, banakoli kenyiiri amasuuzu.

Yeremiya 6:26

Nahano adetaga kwokuno: «E bandu baani, muyambale amasuuzu, munayivuruguuze mu munyota-kiiko. Mubululuke nga úwafwirwa noꞌmwana weꞌkininga. Mukuba, masaasa atabukwa, umushereeza akola agayija.

Kimombo 5:15

Imitima yitu itaki shambiiri. Naꞌmakina giitu, gakoli hindusiri kimombo.

Hezekyeri 7:18

banayambale amasuuzu. Kiri naꞌmatwe gaabo, kwo bali booshi, ganakunguulwe, mu kuyerekana ngiisi kwo bakoli jengiirwi. Amalanga gaabo gagazizibala hiꞌgulu lyeꞌshoni, banakizi teteerwa lwoshi-lwoshi.

Hezekyeri 7:2

«E mwana woꞌmundu, Rurema Nahamwitu abwira Abahisiraheeri kwokuno: Kikola kyanya kyeꞌmberuuka! Ee! Amahanga gooshi gahika ku mbeka!

Hosheya 2:11

Kyo kitumiri byoshi, ngayiji múnyaga byo, ngeꞌngano keera ízayera, neꞌdivaayi mbyahya. Ngamúnyaga kiri neꞌmirondo yo nꞌgamúheereza, mbu akizi bisha mwoꞌbukondwe bwage.

Hosheya 2:13

Kundu aki gweti agayishambaaza mu siku ngulu, halikago ngazitwikiza zooshi. Kuli kudeta isiku ngulu za ngiisi mwaka, na zeꞌmbaluko yoꞌmwezi, na zeꞌSabaato.

Yuheeri 1:8

Kwokwo, mulirage! Mukizi ba ngoꞌmunyere úgweti úgabululuka mu kigandaaro kyeꞌshasha yage.

Balaawi 13:40

«Umushosi, iri angaba akola noꞌluhala, ali mweru, bwo ali noꞌluhala naaho.

Hamoosi 5:21

Nahano adetaga kwokuno: «Iri ndi mu bona ngiisi kwo mugweti muganaaka-naaka ku siku ziinyu ngulu, ndi mu yami zishomba bweneene! Nyamiri nzinegwiri ngana.

Hamoosi 5:23

Mulekage ukumbonga ulujongo, mbu mugweti muganyimbira! Si ikyanya mugakizi lasa inyimbo, ndâye ziyuvwe!

Hamoosi 8:3

Ku yikyo kyanya, abandu bingi bagafwagaga. Kundu bakiri mu gira ikisegengo ha kajumiro, haliko bagaki liruuka. Ibirunda byabo bigakizi kabulirwa bwalaafwe, ndaanaye woꞌkudeta kiri niꞌgambo.» Kwokwo, kwo Rurema Nahamwitu adesiri.

Nahumu 1:10

Yabo bagoma bagaaba nga ábakoli lalusiri, banakizi bambaajira, banajigimbe nga kishungu-shungu kyumu kyeꞌmigenge, banasiriire lwoshi-lwoshi.

Zakariya 12:10

Beene Dahudi, ngabatabaala kuguma naꞌbandi booshi ábatuuziri i Yerusaleemu. Bagakizi girirana amiija, iri banakizi huuna Rurema. Na bwo bakandumita, bagandoleera, banakizi nyimbira inyimbo zeꞌkigandaaro. Bagandirira, ngoꞌmundu úgweti úgalirira umwana wage weꞌkininga. Bagabululuka ngana, ngoꞌmundu úli mu kizi bululukira ifula yage.

Bukengeeze 16:14

Yizo siku, mukizi zishambaalira, mwe na bagala biinyu, na banyere biinyu, naꞌbakozi biinyu, abashosi naꞌbakazi. Mushambaalire kuguma naꞌBalaawi ábatuuziri mu twaya twinyu, neꞌbinyamahanga íbikamùbungira kwo. Mushambaalire kuguma neꞌfuuvi, na banamufwiri ábamùtuuziri mwo.