Hamoosi 7:17 - Kifuliiru

¹⁷ Kundu kwokwo, Nahano adetaga kwokuno: “Mu kaakano kaaya, mukaawe agakizi gira mwoꞌbushule. Bagala baawe na banyere baawe, nabo bagayitwa ku ngooti. Kiri naꞌmatongo gaawe, bagaganyaga, banagagabulire abandi. Na wenyene, ugagendi fwira ku mbinga. Abahisiraheeri, ku kasiisa bagatwalwa imbohe, hala neꞌkihugo kyabo.”»

Hamoosi 7:17 ပူးပေါင်းရင်းမြစ်များ

2 Baami 17:6

Iri mwami Hosheya akahisa imyaka mwenda atwaziri, ulya mwami weꞌHasuriya anagwata akaaya keꞌSamariya, anatwala Abahisiraheeri imbohe, halinde i Hasuriya. Baguma baabo, anababiika mu kaaya keꞌHala. Naꞌbandi, anababiika i Gozani, hoofi noꞌlwiji Habori. Naꞌbandi, anababiika mu twaya tweꞌMediya.

Zaburi 78:55

Anayimula abandu beꞌgindi milala imbere lyabo. Yikyo kihugo, anakiheereza Abahisiraheeri, bube buhyane bwabo, anabiika ngiisi mulala gwabo mu kaaya keꞌmwabo.

Hisaaya 13:16

Abaana boꞌtulenge, ababusi baabo bagayibonera ngiisi kwo bagayitwa, mu kunyanyagwa haashi. Inyumba zaabo zigashahulwa mweꞌbindu. Na bakaabo banakizi bimbiirwa.

Hisaaya 22:18

Ee! Agakugonya-gonya, anakushulugute mu mbinga, nga kabumbu. Yeyo munda, yo ugagendi fwira. Amagaare gaawe giꞌzibo, kundu galimbiri, haliko, gagasigala haaho. Si ugweti ugajamburiisa inyumba ya nahamwinyu!

Yeremiya 14:16

«Kiri naꞌbashosi ábali mu yuvwa ubuleevi bwabo, nabo bagaafwa nyene, ku kiteero, na niꞌshali. Yabo bashosi, ibirunda byabo bigakabulirwa mu njira zeꞌYerusaleemu, kiri neꞌbirunda bya bakaabo, neꞌbyaꞌbaana baabo boꞌbutabana na boꞌbunyere. Galya mahube gaabo, ngabahana hiꞌgulu lyago.

Yeremiya 20:6

«“Na naawe, e Pashuuri! Ugagwatwa imbohe, kuguma naꞌbandu ba mu mwawe booshi, munatwalwe i Babeeri. Iyo munda, yo ugagendi fwira, unaziikirwe yo, mwe naꞌbiira baawe, kundu wâli kizi batangira ubuleevi kwo bagagenduukirwa.”»

Yeremiya 28:12

Umuleevi Yeremiya, ikyanya akayusa ukuhaliira na Hananiya, Nahano anashubi múheereza indumwa kwokuno:

Yeremiya 28:16

Ku yukwo, Nahano adetaga kwokuno: “Yabo bandu, bwo we kabahidika kwo bahune imbere lyani, ngakuzimiiza mu kihugo. Emwe! Umwaka gutagamala útazi fwa.”»

Yeremiya 29:21

Nie Nahano woꞌbushobozi bwoshi, Rurema waꞌBahisiraheeri. Halikago abaleevi biinyu, Ahabu mugala Kolaya, na Zedekiya mugala Maseya, boohe, bali mu tanga ubuleevi bweꞌkinyoma kwiꞌziina lyani. Ku yukwo, nakyula kwo ngababiika mu maboko ga mwami Nebukandeneza, gira akabayitire imbere liinyu.

Yeremiya 29:25

kwo Nahano woꞌbushobozi bwoshi, Rurema waꞌBahisiraheeri, adetaga kwokuno: «Ewe! Ukayihanguula wengwa kwo ulungikire abatuulaga booshi beꞌYerusaleemu amaruba. Yago maruba, wanagalungikira umugingi Sefaniya mugala Maseya, kiri naꞌbandi bagingi booshi. Yago maruba, gâli desiri kwokuno:

Kimombo 5:11

Mu kaaya keꞌSayuni, kiri na mu kihugo kyoshi kyeꞌBuyuda, bakiitu na banyere biitu, bakola mu higulirwa kwo.

Hezekyeri 4:13

Nahano anashubi mbwira: «Ikyanya Abahisiraheeri bagaaba batuuziri mu mahanga, kwokwo kwo bagakizi lya ibyokulya íbiyulubiiri.»

Hosheya 9:3

Mutagaki hanguulwa ukubeera hano mu kihugo kya Nahano, si mugagalukiraga i Miisiri. Kiri na mu kihugo kyaꞌBahasuriya, mugakizi lya íbitaluke naaho.

Hamoosi 6:7

Ku yukwo, mwe mugashokola injira mu kugendi shwekwa mu mbohe. Kulya kujeberera kwinyu, leero, lyo kugayami mala.

Hamoosi 7:11

Si agweti agaadeta mbu: “Yerobwamu akolaga agayitwa ku ngooti. Abahisiraheeri nabo, bagatwalwa imbohe mu mahanga.”»

Hamoosi 8:1

Rurema Nahamwitu anashubi nyereka agandi mabone. Nanabona ikitiri, kiyijwiri mweꞌbitumbwe íbihiiri.

Hamoosi 9:1

Ha nyuma, nanabonaga Nahano, ayimaaziri ha butambi lyaꞌkatanda, anambwira: «Ushulikage bukayu ku zirya nguliro zeꞌnyumba ya Rurema, halinde indaliro zaayo zijugumbane. Yizo nguliro, uzihongolere haashi, halinde zitibukire ku bandu. Ngiisi ábagaaba baki sigiiragi, ngabayita ku ngooti. Mu kati kaabo, ndaaye úgafuushuka, kiri noꞌmuguma!

Hamoosi 9:8

«Nie Rurema Nahamwinyu, ngweti ngadetaga kwokuno: Yaba Bahisiraheeri, beene Yakobo, si balyagagi banabyaha! Kwokwo, ngweti ngabalangiiza, na mbaminike mu kihugo. Haliko, ndagayami baminika lwoshi-lwoshi.

Mika 1:16

E Bayuda! Mubegeese imishaku yinyu mu kuyerekana umwizingeerwe. Si mukola muganyagwa abaana biinyu bakundwa. Muyibege, halinde amatwe giinyu gashushaane nga ga ngukuma. Si abaana biinyu, bagatwalwa imbira i mahanga!

Zakariya 14:2

Ee! Nahano agakuumania abandu baꞌmahanga gooshi, gira bayiji teera akaaya keꞌYerusaleemu. Yako kaaya, bagakagwata imbira, banamùshahule ibindu mu nyumba ziinyu. Yoo! Kiri na bakiinyu, bagababimbiira ku misi. Ikimaanye kiguma kyaꞌbandu kigatwalwa i mahanga mu buja. Na ábagaaba baki sigiiri, bagahanguulwa kwo basigale mu kaaya.