Hamoosi 6:4 - Kifuliiru

⁴ Si muli mu ba mugwejiiri ku ngingo ízilimbisiibwi naꞌmahembe geꞌnjovu, munajeberiiri ku bitumbi biinyu biija-biija, munagweti mugaalya inyama zeꞌbitugwa ibishishiri, ziba zeꞌbibuzi, kandi iri zeꞌngaavu.

Hamoosi 6:4 ပူးပေါင်းရင်းမြစ်များ

Ndondeko 37:25

Yabo bakulu ba Yusefu, iri bakaba bakoli bwatiiri ha byokulya, mbu bayinamule amasu, banabona ikiso kyaꞌBahishimaheeri ábalyosiri i Giryadi, bali mu balamira i Miisiri. Ingamiya zaabo, zâli heesiri umubadu, neꞌzeeri, naꞌmanemane.

Hesiteeri 1:6

Mu luzitiro lwage, mwâli manisirwi imirondo myeru yoꞌmulimbo, neꞌgindi mirondo miija yeꞌkituku-tuku. Iyo mirondo, yâli mishweke neꞌmigozi yeꞌkitaani. Miguma yâli riiri myeru, neꞌgindi yeꞌkituku-tuku. Iyo migozi nayo ikashwekerwa ku mbete zeꞌharija, ízâli nanisirwi ku nguliro. Yizo nguliro, zikayubakwa naꞌmabuye goꞌmulimbo ágatyeriiri bweneene. Hâli riiri neꞌbitumbi íbikatulwa mu nooro, na mu harija. Yibyo bitumbi, byâli teresirwi ku mabuye ágakeyengiini bweneene, kuguma naꞌgandi mabuye geꞌkishingo.

Zaburi 73:7

Bweꞌmitima yabo iri mindagabika, bali mu kizi yifunda mu mabi. Si ubuligo bwo bali mu yitoneesa kwo, buleeziri ulugero bweneene!

Hisaaya 22:13

Haliko, lolagi buno! Si muki gweti mugashambaala, iri munayilala mu bitalaalwe! Munakiri mu baaga ingaavu neꞌbibuzi, munalye inyama, iri munanywa neꞌdivaayi. Munakiri mu deta, ti: «Tukizi lya, iri tunanywa! Si kusheezi tugaafwa!»

Hisaaya 28:1

Yayewe imwaꞌkaaya keꞌSamariya! Si abatuulaga baamwo, Abahifurahimu, balyagagi balalwe! Banagweti bagayihaya, mbu kalimbiri ngoꞌlushembe, na mbu ho kayubasirwi, hayinamusiri mu ndekeera íri mweꞌnagiira. Kundu kwokwo, kakola ngoꞌtwaso útukoli yumagusiri. Yako kaaya koonyene, yubwo bulalwe bwo bugakatindimaza.

Yeremiya 16:8

«Emwe! Abandu, nga bangaba balyagagi noꞌbugeni, utakolwe mbu ugendi bakunga! Hatagire hyo ugaalya mwo, kandi iri hyo ugaanywa.

Hezekyeri 16:49

Uyo Soodoma naꞌbanyere, ubuligo bwabo bwâli bwobu: ikyanya bâli kizi gashaanirwa ibyokulya, banatondeere ukuyikangaata, batanaki twaze ukukizi tabaala abakeni na ábatashobwiri.

Hezekyeri 23:41

banabuli gendi bwatala ku ngingo nyija-nyija. Banabiika akashasha imbere lyabo, banakatereka kwoꞌmubadu gwani, naꞌmavuta gaani.

Hamoosi 3:12

Nahano adetaga kwokuno: «Indare, ikyanya igweti ikibuzi mu kanwa kaayo, umungere ali mu fuusa amagulu gabiri naaho, kandi iri ikihande kyoꞌkutwiri. Kwokwo, kwaꞌBahisiraheeri bagakizibwa mu kaaya keꞌSamariya. Biryagagi kwokwo, kundu baki gweti bagavwagarara ku bitumbi biija, naꞌbandi ku ngingo. Si ábagasigala, bagaaba bagerwa naaho.»

Hamoosi 8:3

Ku yikyo kyanya, abandu bingi bagafwagaga. Kundu bakiri mu gira ikisegengo ha kajumiro, haliko bagaki liruuka. Ibirunda byabo bigakizi kabulirwa bwalaafwe, ndaanaye woꞌkudeta kiri niꞌgambo.» Kwokwo, kwo Rurema Nahamwitu adesiri.

Mika 6:12

Abagale ba mu kaaya kiinyu, bagweti bagayitana. Abandu biinyu bakoli komiiri ukukizi beesha, batanganaki hasha ukudeta íbiri ukuli.

Luka 16:19

«Hâli riiri mugale muguma, úwâli kizi yisimiisa mu bindu byage, anâli kizi yilimbiisa neꞌmirondo miija yeꞌkituku-tuku.

Yakobo 5:5

Mwâli kizi yisimiisa hano mu kihugo mu kanyabungaka keꞌbindu biinyu. Kundu kwokwo, mukoli jeziri nga bitugwa, íbirindiriiri ulusiku lwoꞌkugendi baagwa.